Mount Tyree
| Mount Tyree | |||
|---|---|---|---|
_from_East_by_Christian_Stangl_(flickr).jpg) | |||
| Barggrupp: | Sentinel Range, Ellsworthbargen | ||
| Hööchd: | 4.852 m över de See | ||
| Laag: | Ellsworthland, Westantarktika | ||
| Kuntinent: | Antarktika|- | Toeerst bestegen: | 6. Januar 1967, dör Barry Corbet un John P. Evans |
| Normaalweg | Hoochtour vergletschert | ||
| Koordinaten: | Koordinaten:78° 24′ S, 85° 55′ W78° 24′ S, 85° 55′ W | ||
| |||
Mount Tyree is en 4.852 m över de See hogen Barg in de Sentinel Range von de Ellsworthbargen, de na’n Mount Vinson, de mit siene 4.892 m över de See 13 Kilometer in’n Noordwesten liggt, de tweethöögste Barg von de Antarktis is. Mount Tyree liggt in Ellsworthland, Westantarktika.
Geschicht
[ännern | Bornkood ännern]Mount Tyree is in’n Januar 1958 bi en Opklärungsfloog von dat US-Navy-VX-6-Geswader opdeckt worrn. In’n sülven Maand hett em de Marie Byrd Land Traverse Party karteert. De Barg is na Kunteradmiraal David Merrill Tyree (1904–1984) nöömt, de von’n 14. April 1959 bet 26. November 1962 Befehlshebber von de U.S. Naval Support Force in de Antarktis weer. De Barg kunn toeerst in dat Johr 1967 dör Maten von en Expeditschoon ünner Leid von Nicolas Clinch (* 1930) bestegen warrn. De sülve Expeditschoon hett ok Mount Vinson, Mount Shinn (4661 m) un Mount Gardner (4587 m) toeerst bestegen. Düsse Expeditschoon harr dormit de veer höögsten Bargen von de Antarktis bestegen. Mit’n Long Gables (4150 m) un den Mount Ostenso (4180 m) sünd se ok noch op twee annere Bargen toeerst rop.[1]
As tweethöögsten Barg in Antarktika tellt Mount Tyree to de Seven Second Summits. Jüst as vele von düsse Bargen gellt he as sworer to bestiegen as sien höger Pendant, de Mount Vinson. Kleddertechnisch feddert de blots 40 Meter siedere Mount Tyree mehr.[2][3] Dor kummt noch to, dat he düüdlich slechter för Bargstiegers togänglich is as de Mount Vinson, de as een von de Seven Summits populär worrn is. Bet 2007 is Mount Tyree blots söven Maal bestegen worrn, wieldes bet dorhen al wied över dusend Bargstiegers op’n Mount Vinson weren.[4]
| Nr. | Johr | Deelnehmers |
|---|---|---|
| 1 | 1967 | Barry Corbet, John Evans |
| 2 | 1985 | Mugs Stump |
| 3 | 1997 | Antoine Chayrol, Antoine de Choudens |
| 4 | 1997 | Conrad Anker, Alexander Lowe |
| 5 | 2012 | Hans Kammerlander, Robert Miller, Christian Stangl |
Galerie
[ännern | Bornkood ännern]-
Koort von dat Rebeed üm’n Mount Tyree, Sentinel Range -
Sentinel Range, Satelliten-Opnahm von de NASA
Footnoten
[ännern | Bornkood ännern]- ↑ Brian S. Marts: American Antarctic Mountaineering Expedition. (pdf) Expeditionsbericht von’n American Alpine Club. Afropen an’n 26. Juli 2010 (engelsch, in’n Archiv bi wikiwix.com).
- ↑ Jeff Rubin: Antarctica. 4. Auflage. Lonely Planet, 2008, ISBN 978-1-74104-549-9, S. 73.
- ↑ Christian Stangl: Mt.Tyree - K2 von de Antarktis. Archiveert von dat Original am 21. Dezember 2009; afropen an’n 31. März 2011.
- ↑ Damien Gildea: Tyree - A History. (Nich mehr online verföögbor.) 12. November 2007, archiveert von dat Original am 7. Oktober 2011; afropen an’n 11. Dezember 2010 (engelsch). Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.
- ↑ Christian Stangl: Mt. Tyree. (Nich mehr online verföögbor.) Archiveert von dat Original am 26. August 2012; afropen an’n 7. Oktober 2012. Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.
Weblenken
[ännern | Bornkood ännern]- Brian S. Marts: American Antarctic Mountaineering Expeditschoon 1967. (pdf) Afropen an’n 26. Juli 2010 (engelsch, Expeditionsbericht von’n American Alpine Club – in’n Archiv bi wikiwix.com).