Mount Discovery

Vun Wikipedia
Zur Navigation springen Zur Suche springen
Mount Discovery
Blick von dat Ross-Schelfies op Mount Discovery (links) un de Brown-Halvinsel
Blick von dat Ross-Schelfies op Mount Discovery (links) un de Brown-Halvinsel
Barggrupp:
Hööchd: 2.681 m över de See
Laag: Viktorialand, Oostantarktika
Kuntinent: Antarktika|- Toeerst bestegen: 1959
Koordinaten:
Koordinaten:78° 22′ S, 165° 1′ O
78° 22′ S, 165° 1′ O
Mount Discovery
Laag vun Mount Discovery in Antarktika
Topograafsche Koort von Mount Discovery (1:250.000)

Mount Discovery is en 2.681 m över de See hogen, verloschen Schichtvulkaan in Viktorialand, Oostantarktika. He liggt isoleert an’t Koppenn von’n McMurdo-Sund oosten von’n Koettlitz-Gletscher. He reckt sik över’n noordwesten Deel von dat Ross-Schelfies rut un billt de Midd von en steernförmige Landmass, mit de Brown-Halvinsel in’n Noorden, Minna Bluff in’n Oosten un den Navervulkaan Mount Morning in’n Westen.

De Mount Discovery hett sik an de Wenn von dat Miozän na dat Pliozän vör üm un bi 5,3 Millionen Johren billt. De jüngsten Kratersloten sünd üm un bi 1,87 Milljonen Johr oold un dormit ut dat fröhe Pleistozän. Noch mehr Utbröök bet in dat late Pleistozän sünd wohrschienlich. So is in jüngere Ünnersökungen bi twee Gesteensproven von de Noordwestsied von’n Vulkaan en Öller von üm un bi 60.000 un 180.000 Johr rutkamen.[1] De Vulkaan is Deel von en Riftzoon, de Oost- von Westantarktika trennt. De Barg is to’n gröttsten Deel mit Gletscheries bedeckt. De Topp besteiht ut utköhlte Lavaströöm un vulkaansche Schuttströöm un tosätzlich glazigene Sedimenten, dat ut dör de Gletscherarbeid lüttmaakt vulkaansch Materiaal bestaht. Son Aflagerungen bedeckt, dor wo ok Barggletschers to finnen sünd, grote Delen von’n Vulkaan.

De Barg is bi de Discovery-Expeditschoon (1901–1904) ünner Leid von’n brietschen Polarforscher Robert Falcon Scott opdeckt un na de RRS Discovery nöömt worrn, wat dat Schipp von düsse Forschungsreis weer. Toeerst besöcht hett Mount Discovery in dat Johr 1958 en Forschungsteam ut Neeseeland. Toeerst bestegen worrn is de Barg 1959.

Weblenken[ännern | Bornkood ännern]

Commons-logo.svg Mount Discovery. Mehr Biller, Videos oder Audiodateien to’t Thema gifft dat bi Wikimedia Commons.

Footnoten[ännern | Bornkood ännern]

  1. Lisa Tauxe et al.: Paleomagnetism and 40Ar/39Ar ages from volcanics extruded during the Matuyama and Brunhes Chrons near McMurdo Sound, Antarctica. In: Geochemistry, Geophysics, Geosystems. Band 5, Nr. 6, Juni 2004, ISSN 1525-2027, doi:10.1029/2003GC000656 (englisch).