Moorbörger Barg
| Moorbörger Barg | ||
|---|---|---|
 | ||
| Barggrupp: | ||
| Hööchd: | 22 m över NN | |
| Land: | Düütschland | |
| Laag: | Hamborg | |
| Kuntinent: | Europa | |
| Koordinaten: | Koordinaten:53° 30′ N, 9° 56′ O53° 30′ N, 9° 56′ O | |
| ||
De Moorbörger Barg is en künstlichen Barg in Moorborg.
De Barg is in de Tied na 2000 anleggt worrn, as se dat Containerterminal Oolwarder boot hebbt. De Eer, de dor bi över weer, hebbt se dor aflagert. De Barg liggt an’n Süüdrand von dat Terminal op en Rebeed von üm un bi 35 Hektar. Dat Rebeed is 1,4 Kilometer lang un maximal 350 Meter breed. De höögste Punkt liggt op 21,9 Metern över Normalnull an dat bredere Oostenn von’n Barg, dat an de Süderelv grenzt. De smale Westdeel, de dör en lütten Bargsadel aftrennt is, is blots 18,6 Meter hoog.[1] An de Süüdkant von’n Barg liggt glieks Moorborg.
De Barg is an’n 11. Juni 2005 as Freetiedrebeed offiziell freegeven worrn.[2] Dat gifft en dicht Nett von Wannerweeg över den kumpletten Barg, op den grote Magerrasenrebeden liggen doot, aver ok Streiaavtwischen, Doodholtrebeden un Fuchtbiotopen. Von’n höögsten Punkt reckt de Sicht över dat Containerterminal över de Köhlbrandbrügg bet na de Hambörger Binnenstadt in’n Noorden un na de Horbörger Bargen in’n Süden.
Footnoten[ännern | Bornkood ännern]
- ↑ Digitaler Atlas Nord
- ↑ Die Moorburger nahmen ihren Berg in Besitz. In: Hamburger Abendblatt von’n 13. Juni 2005
