Monte Estância

Monte Estância
Monte Estância, de hööchste Barg op dat Eiland Boa Vista Monte Estância, de hööchste Barg op dat Eiland Boa Vista
Barggrupp:
Hööchd:	387 m över de See
Land:	Kap Verde
Laag:	Boa Vista
Ozeaan:	Atlantik
Koordinaten:	16° 3′ N, 22° 46′ W

De Monte Estância is de hööchste Barg vun’t Eiland Boa Vista in de Republiek Kap Verde.

De Barg befinnt sik in’n Süüdoosten vun’t Eiland in is mit 387 m blots en lütt beten höger as de annern hogen Bargens op Boa Vista. He kann vun dat Rebeet Norte ut över de Sandpist op de Oostsiet vun Boa Vista anföhrt warrn. He liggt ungefähr süüdlich vun João Galego. Dat ümgevend Land is meist vullstännig platt un besteiht gröttstendeels ut’n Oort Steenwööst (Hammada) mit Sporen vun Vegetatschoon.

De Monte Estância is dör Vulkanismus tostannen kamen, de vör lange Tiet dat hele Eiland entstahn laten hett. Bi den Barg sülvst hannelt sik dat üm en ollen Vulkansloot, de vun de Erosion noch nich afdragen worrn is. De Bargflanken sünd teemlich piel, so dat man dor nich mit’n Fohrtüüch ropföhren kann. Vun’n Tipp hett man en fein Utsicht över den gröttsten Deel vun’t Eiland, wieldat de Landschop tomeist flach is. Blots de Noorden un enige Steden un Öörd ründ üm de annern Bargens künnt nich sehn warrn. De Atlantik is vun’n Monte Estância blots ruchweg veer Kilometers wiet weg.