Monozytoos
As Monozytoos warrt in de Medizin en Anstiegen vun de Monozytentall in’t Blood betekent. Dorbi hannelt sik dat üm en Ünnergrupp vun de Leukozyten, so dat de Monozytoos en Ünnerform vun de Leukozytoos is.
Funkschonelle Saken
[ännern | Bornkood ännern]Monozyten warrt in’t Knakenmark billt. Anners as de Granulozyten warrt se aver in’t Knakenmark nich spiekert, man wenn dat nödig is as Monozyten, de noch nich riep sünd, oder as jemehr Vörlöperzellen (Monoblasten, Promonozyten) in’t Blood afgeven. An Öörd, woneem Sweren sitten doot, differenzeert se sik denn to Makrophagen, Epitheloidzellen oder mehrkarnige Resenzellen. Normalerwies is de Tall vun de Monozyten in’t Blood teemlich siet.
Oorsaken un Utwirken
[ännern | Bornkood ännern]En Monozytoos kummt vör bi chroonsche Sweren, bi Vörgäng mit starkere Phagozytoos un bi Nekrosen. En lichte Monozytoos kann ok as nich-spezifische „Stressantwoort“ dör ’n hoge Kunzentratschoon vun Glukokortikoiden utlööst warrn.
Bi sünnere Krankheiten in’t Bllod kann dat ok to en Ännern vun de Zellmorphologie vun de Monozyten kamen. To’n Bispeel künnt Vakuolen mit phagozyteert Material vörkamen. Dat künnt ro’e Bloodkörpers (Erythrozyten) bi en immun-vermiddelten hämolytschen Anämie, Pilzen as bi en systeemsche Histoplasmoos oder Protozoen as bi en Leishmanioos wesen.
To’n Ünnersöken vun so en Ännern is Frischblood beter egent, vunwegen dat en Phagozytoos vun annere witte oder ro’e Bloodkörpers bi’t längere Lagern in EDTA ok na dat Afnehmen noch aflopen kann.