Mit offenen Karten
Mit offenen Karten (hoochdüütsch) oder Le Dessous des Cartes (franzöösch), wat op Plattdüütsch woll soveel as Mit apene Koorten bedüüd, is en Sendereeg bi’n düütsch-franzööschen Senner Arte, in de elk Week mit Hülp vun Koorten kumplexe histoorsche, geopolitsche oder ökonoomsche Themen licht to verstahn aver op’n Prick dorstellt warrt. De Moderater is de Anthropoloog un Politikwetenschopler Jean-Christophe Victor. De Sennung vun teihn Minuten hett jümmer een speziell, faken aktuell, Thema. Themen köönt denn to’n Bispeel de geopolitsche Situatschoon vun Japan över de Johrhunnerten oder de Butenpolitik vun de USA wesen. An’t Enn präsenteert Jean-Christophe Victor jümmer noch Literatur, de sik mit dat Thema vun de Sennung befaten doot.
Mit offenen Karten warrt Middeweken gegen Klock 22:25 op Arte utstrahlt. De Sennung warrt jümmer Sünnavend Klock 8:45 un 18:45 nochmal wiest.
Weblenken
[ännern | Bornkood ännern]- Websteed bi Arte (hoochdüütsch, franzöösch)