Minnerheitsregeeren
Een Minnerheitsregeeren is een Regeeren ohn Mehrheit in’t Parlament. För de Besloot van Gesetten mutt man denn Mehrheiten tosommen mit de anner Parteien in’t Parlament söken. Dat föhrt in de Regel dorto, dat de Minnerheitsregeeren düchtig van potentschielle Mehrheitspartner afhänngig sünd.
In parlamentaarsch Demokratien sünd aber etwa een Drüttel van de Regeeren Minnerheitsregeeren. In Middeleuropa is dat seltener, aber in Skandinavien und Kanada nich ungewöhnlich.
Een ähnlich Situatschoon kann entstahn, wenn Regeeren un Parlament unafhängig vuneinanner wählt wurrn. Dat passert letztmalig 2007 in de USA, as Präsident Bush sien Mehrheit in Senat verloren hett, un nu mit de Demokraten verhanneln mutt. De Präsident wurrd in sükse Fallen as Lahm Aant (engelsch: Lame Duck) betekend.
Minnerheitsregeeren in de Praxis
[ännern | Bornkood ännern]Düütschland (Bundsebene)
[ännern | Bornkood ännern]In de Historie van de Bundsrepubliek Düütschland geev dat eerst twee Minderheitsregeeren, de dat aber blots kört un in Vörfeld van niege Koalitschoonsbildungen geev November 1966 ünner Ludwig Erhard (Kabinett II) un September 1982 ünner Helmut Schmidt (Kabinett III)].
Düütschland (Landsebene)
[ännern | Bornkood ännern]Berlin
[ännern | Bornkood ännern]In Berlin hett Richard von Weizsäcker nah de Wahlen to da Afgeordnetenhuus 1981 een CDU-Minnerheitssenat bild, wiels de bisherig Koalitschoon de Mehrheit verfehlt harr, de CDU aber ok nich de Mehrheit kreeg, wiels de Alternativ List zu so good afschneden harr. De CDU weer denn up de FDP anwiest. Dat gung bit 1983, denn is de FDP ok offiziell in de Koalitschoon intretden.
1989 gung de bitherige Koalitschoon tüschen SPD und de Gröönen utnanner. Af November 1990 hett Walter Momper denn een Minnerheitssenat föhrt. An 2. Dezember 1990 hebbt se denn nieg wählt un in Januar 1991 harrn se denn een Groode Koalition.
Disse Groot Koalition is 2001 van de SPD upkündigt wurrn un se hebbt Eberhard Diepgen wegen de Bankenaffäre tosommen mit de Gröönen un de Linkspartei/PDS mit Misstrauensvotum afwählt un Klaus Wowereit to nieg Regeerend Börgermeester wählt. Bit to de Senatswahl in Januar 2002 hett he denn mit de Grönen tosommen regeert, tolereert dör de PDS.
Brannenborg
[ännern | Bornkood ännern]In Februar 1994 brok de Ampelkoalitschoon ünenr Manfred Stolpe an de Fraag nah sien Stasi-Kontakte utnanner.
Dat Bündnis 90 is ut de Regeeren utstegen. Stolpe hett denn bit nah de Landdagswahl in September 1994 een Minnerheitsregeeren mit de FDP föhrt, de van de PDS tolereert wurr. Nah de Wahl harr de SPD de absolute Meehrheit – dor harr sük dat Thema erledigt.
Sassen-Anholt
[ännern | Bornkood ännern]De bekanntste Minnerheitsregeeren hatt Reinhard Höppner in Sassen-Anholt föhrt. Bi de Landdagswahl 1994 hett de Regeeren ünner Christoph Bergner de Mehrheit nich weerkregen, aber för SPD und Grönen reckt dato k nich. Tosommen mit de Gröönen hebbt se sük van de PDS tolereeren laten. Bi de Wahl 1998 flogen ok noch de Gröönen ut de Regeeren, so dat Höppner een reine SPD-Minnerheitsregeeren upstellt hett. 2002 sünd se denn van een CDU-FDP Koalitschoon ünner Wolfgang Böhmer aflöst wurrn konnte. De Regeerenstite van Höppner wurd ok as Meideborger Modell betekend.
Sleswig-Holsteen
[ännern | Bornkood ännern]In Sleswig-Holsteen geev dat twee Versöken, en Minnerheitsregeeren to bilden.
1987
Bi de Landdagswahl an 13. September 1987 verlor de CDU ünner Uwe Barschel de afslute Mehrheit un kreeg blots tosommen mit de FDP 37 Mandate.
De SPD ünner Björn Engholm kreeg 36 Mondate, so dat de Südsleswigsche Wählerverbund entscheidend weer. Se kunne sük nich eenigen un denn keem de Barschel-Affäre dorto, so dat se niege Wahlen makt hebbt. Dor hett de SPD denn de absoluut Mehrheit kregen.
2005
Bi de Landdagswahl 2005 weer dat so ähnlich, blots dat de SPD de minner Tall an Stimmen harr. Se harrn denn Verdrag mit de Süüdsleswigsche Wählerverbund afslotten, aber as de Hack up Steel kommen sull, kreg Heide Simonis veermal naheinanner nich noog Stimmen. Dornah regeert de CDU mit de SPD ünner Peter Harry Carstensen.
Öösterriek
[ännern | Bornkood ännern]In Öösterriek geev dat blots een Minnerheitsregeeren ünner Bruno Kreisky 1970, de ünner ’n beten komisch Ümstände tostanden kommen is, de aber bit 1971 anhollen hett.