Michael Brennicke

Vun Wikipedia
Zur Navigation springen Zur Suche springen
Michael Brennicke in’n Mai 2009

Michael Brennicke (* 5. Oktober 1949 in München; † 25. März 2019 ok dor) weer en düütsch Schauspeler, Synchroonsnacker, Synchroonspeelbaas un Dialogbookschriever. Sien Stimm weer vör allen dör de Sennen Aktenzeichen XY … ungelöst bekannt, in de he siet 1989 Off-Spreker in rekonstrueert Filmfällen weer. Dorneben weer he faken de düütsch Stimm vun den US-amerikaanschen Schauspeler Chevy Chase. Ok bi de US-amerikaansch Feernsehreeg F.B.I. – Dem Verbrechen auf der Spur weer he Synchroonsnacker.

Leven un Wark[ännern | Bornkood ännern]

Film un Feernsehn[ännern | Bornkood ännern]

De Söhn vun den Schaspeler un Speelbaas Helmut Brennicke un de Schauspelerin Rosemarie Lang as ok Bröer vun den Hörfunkmoderater Thomas Brennicke[1] kreeg all to sien Gymnasialtiet privaten Schauspeelünnerricht bi Adolf Ziegler. Nah sien Abitur 1968 hett he 1969 de Schauspeelprüfung afleggt un hett mehrere Semester Germanistik, Musikwetenschap un Psychologie an de Ludwig-Maximilians-Universität München studeert.

Ünner de Regie vun Fritz Umgelter weer Brennicke 1970 neben Marie Versini, Karl-Heinz von Hassel, Volkert Kraeft un Ulli Kinalzik in Es braust ein Ruf wie Donnerhall to sehn. Dat geev denn wiedere Rullen in Filmen un Feernsehproduktschonen, ünner annern in den Feernseh-Mehrdeeler Die unfreiwilligen Reisen des Moritz August Benjowski (1974), in de Feernsehreeg Zwei himmlische Töchter (1978) oder in‘n Tatort. 1978 speel he in de Derrick-Folge Solo für Margarete mit. För de ARD-Vöravendreeg Auf Achse (1977–1993, Staffeln 1 bit 5) hett Brennicke den bekannten Vörspann „Franz Meersdonk, Günther Willers und ihre Maschinen, 320 PS, sie fahren Terminfracht in aller Herren Länder, auf sie ist Verlass …“ snackt.

Synchronisatschoon[ännern | Bornkood ännern]

Anfang vun de 1980er Johren hett sück Brennicke up de Filmsynchronisatschoon konzentreert. Eerst schreev he Dialogböker, so as to Octopussy, A View to a Kill (dt.: Im Angesicht des Todes) oder Astérix et la Surprise de César (dt.: Asterix – Sieg über Cäsar), nahderhen hett he ok de Regien övernommen.

As Synchroonsnacker hett he bispeelswies Dustin Hoffman in de Kummedie Tootsie (1982), in Family Business (1989) un Billy Bathgate (1991) sien Stimm leeht, Chevy Chase in National Lampoon’s Vacation (1983, dt.: Die schrillen Vier auf Achse), National Lampoon’s European Vacation (1985), dt.: Hilfe, die Amis kommen), National Lampoon’s Christmas Vacation (1989, dt.: Schöne Bescherung) un Community (siet 2011), Kurt Russell in Tequila Sunrise oder Adriano Celentano in Innamorato pazzo (1981, dt.: Gib dem Affen Zucker) un Grand Hotel Excelsior (1982, dt.: Wer hat dem Affen den Zucker geklaut?). Van 1981 bit 1982 hett Michael Brennicke todem „Adler Gorgo“ in de 52-deeligen Tekentrickreeg Nirusu no fushigi na tabi (ニルスのふしぎな旅; dt.: Wunderbare Reise des kleinen Nils Holgersson mit den Wildgänsen) sien Stimm geven.

Van 1989 bit to sien Dood hörr Brennicke to de Off-Sprekern vun de ZDF-Sennen Aktenzeichen XY … ungelöst, in de he tovör ok immer mal weer as Dorsteller mitwirken dee. För den privaten Feernsehsenner kabel eins weer he as Station-Voice tätig. Neben tallriek Kino- un Feernsehtrailern hett he todem Hörböker leest, dorünner Das Beste von Grimms Märchen.

Michael Brennicke leev bit to sien Dood in München. Sien adopteert Dochter Nadeshda (* 1973) is ebenfalls Schauspelerin.

Hörspelen[ännern | Bornkood ännern]

  • 1985: Warum? Im Namen Gottes (aus der Reihe Afrika: Tradition und Gegenwart) – Regie: Günther Sauer

Utteknungen[ännern | Bornkood ännern]

Weblinks[ännern | Bornkood ännern]

Enkeld Nahwiesen[ännern | Bornkood ännern]

  1. BR-Redaktschon för Klassik un Jazz: Thomas Brennicke is de Söhn vun Helmut Brennicke un dormit ok de Bröer vun Michael Brennicke; nahfraagt an’n 5. September 2012