Menominee County (Wisconsin)

Menominee County
Bundsstaat	Wisconsin
Sitt vun de Verwalten	Keshena
Inwahnertall	4.232 (2010)
Rebeet	926 km²
Inwahnerdicht	4,6 Inwahners op’n km²
Grünnt	1961-00-001961
Websteed	www.wisconline.com/counties/menominee

Menominee County is en Kreis (County) in’n US-Bundsstaat Wisconsin. He hett 4.232 Inwahners (Stand Zensus 2010) op en Rebeet vun 927 km². De Sitt vun de Verwalten is in Keshena. Düsse County is de eenzigst County in den Oosten vun de USA, wo de Mehrheit vun de Inwahners Indianers sünd.

Historie

De Kreis is an'n 3. Juli 1959 grünnt worrn. Dormols geev dat noch de „Menominee Indian Reservation“, de denn 1961 uplööst wurrn is. Düsse Reservatschoon is denn 1973 wedder inricht' wurrn. Ehre Grenzen gaht ganz mit de Grenzen vun den Kreis övereen. De meisten Inwahners sünd Indianers vun den Stamm vun de Menominees.

Demografie

Vun de 4.562 Inwahners bi’n Zensus vun 2000 harrn 1.686 Minschen Arbeit. Dat Inkamen je Kopp vun de hele Inwahnertall weer 10.625 US-Dollar. 1.877 Minschen hebbt op de Highschool ’n Afsluss maakt, ’n Afsluss an’e Universität, de ’n Bachelor-Afsluss oder noch höger weer, hebbt 310 Minschen maakt. 28,34 % vun de Inwahners leven 2000 ünner de Inkamensgrenz to de Armoot.

11,89 % hebbt 2000 tohuus ’n annere Spraak as Engelsch snackt, dormank 7 % de Indianersprake Menominee. 2,65 % vun de Inwahners sünd buten de USA boren worrn.

Vun de Vöröllern her sünd 11,57 % vun de Minschen Witte, 0,07 % Swarte, 0,02 % vun de Eilannen in’n Pazifik. 87,26 % sünd Nakamen vun Indianers. 0,33 % hebbt sik sülven to noch annere Gruppen torekent. 0,75 % hebbt angeven, dat se Vörfohren vun ünnerscheedliche Afstammung hebbt. As Nakamen vun Lüüd ut Latienamerika hebbt sik 2,67 % vun de Lüüd ansehn.

Inwahnertall

Johr	Inwahnertall
1970	2.607 Inwahners
1980	3.373 Inwahners
1990	3.890 Inwahners
2000	4.562 Inwahners
2010	4.232 Inwahners

Weblenken

• Websteed vun’n Kreis (engelsch)
• U.S. Census Bureau (engelsch)