Menawa
Menawa weer en Hööftling vun de Böveren Muskogee (Upper Creek) un Führer vun de Rootstöcke in' Krieg 1813/14. Andrew Jackson hett hüm in de Slacht an' Horseshoe Bend dwungen. Menawa wurr vun söben Kugeln drapen un för dood hollen; doch he hett dat schafft, sück vun dat Slachtfeld to schleepen. He wurr weer gesund, muss aber kapituleeren un sien Land un sien Besitzdömer upgeven. Ofschons he sück de Umsiedlung standhaft weddersetten dee, wurr he mit sien Stamm 1836 in dat hüdige Oklahoma verbrocht.
