Melchert

Melchert (ok Melcher) is een plattdüütschen Vörnaam for Jungs.

Herkamen

De Naam kümmt vun den hebrääschen Naam Melchior un bedutt „Lichtkönig“ oder „König vun dat Licht“. Up Hebrääsch heet „Mäläch“ König un „Or“ heet Licht. Düsse Naam finnt sik nich in de Bibel, man een vun de Hillgen Dree Königen hett in de kathoolsche Traditschoon in dat Middelöller den Naam Melchior kregen. Vunwegen dat de Hillgen Dree Königen ehr Gebeen in dat Middelöller na Köln kamen sünd un weil düsse Hillgen bannig verehrt wurrn sünd, weer de Naam ok in Düütschland ganz begäng.

De plattdüütsche Naam

Up Platt is de de hebrääsche Naam eenfach tosamentrocken un en beten slurig utspraken wurrn. Un al is vun melchior denn Melchert oder Melcher wurrn.

Tonaams

De plattdüütschen Tonaams Melcher, Melchers un Melchert kaamt vun düssen Vörnaam her. De bedüüt so wat, as Ut Melchert siene Familie oder Vun Melchert sienen Hoff.

Kiek ok nah bi

• List vun plattdüütsche Vörnaams

Weblenken

• Wofaken un woneem de Vörnaam in Düütschland vörkummt: Melchert, Melcher