Max Giesinger

Vun Wikipedia
Zur Navigation springen Zur Suche springen
Max Giesinger bi dat SWR3 New Pop Festival 2017

Max Giesinger (* 3. Oktober 1988 in Waldbronn) is en düütsch Singer, Songwriter un Musikproduzent. In’n Februar 2012 belegg he in de eerst Staffel van de Gesangs-Castingshow The Voice of Germany den veerten Platz.

Leven[ännern | Bornkood ännern]

Giesinger stammt ut Busenbach, en Oortsdeel van Waldbronn in den Landkreis Karlsruhe. As he veer Johr olt weer, hemm sück sien Öllern trennt, un he is as Eenzelkind bi sien Moder upwussen. Mit 13 speel he all in sien eerst Band, den Deadly Punks.[1] Sien Abitur hett he an dat Gymnasium Karlsbad maakt. Ansluutend is he för en Work-&-Travel-Programm nah Australien un Niegseeland reist, wo he as Straatenmusiker tätig weer.[2] Siet 2006 laadt Giesinger in dat Internet-Videoportal YouTube regelmatig Coverversionen, aber ok sülvvst schrven Leeder hoch. Dorbi begleit he sück meestens mit de Gitarr Sien bit 2016 meestsehn Video mit över veer Millionen Klicks weer en Version van den Song Somebody That I Used to Know von Gotye, de he 2012 tosommen mit Michael Schulte upnommen harr. Nah sien Rückkehr nah Düütschland hett sück Giesinger an de Popakademie Baden-Württemberg in Mannheim bewurben. Dor weer he all siet Anfang 2011 Deel van dat Bandförderprogramm Bandpool, wurr aber nich as Student tolaaten, wiel he de Upnahmeprüfung nich bestahn hett.[3]

2011 hett he an de Gesangs-Castingshow The Voice of Germany deelnommen. He wurr dör dat Votum van de Anropers dör de eerst dree Liveshows bit in dat Halffinale wählt. Dat Leed, mit dat he bi de eerst Liveshow uptreeden is, en Cover van den Coldplay-Song Fix You, hett sück dornah dör Downloadverkööpen in de düütsch Charts platzeert. Mit Ünnerstütten van sien Coach Xavier Naidoo reck he dat Finale van de Sennen an’n 10. Februar 2012, in dat he den veerten Platz belegg. Sien Leed Dach der Welt reck ansluutend Platz 14 van de düütsch Charts. Dornah folg een eerste Düütschland-Tournee mit Upträen in 12 Städer. 2013 hett Giesinger de EP Unser Sommer herutbrocht un gung ansluutend up sien tweet Düütschland-Tournee In dieser Stadt.

Nahdem he sück wegen Differenzen över de Tosommenarbeit van sien Label trennt harr, hett he in’n Februar 2014 en Crowdfunding-Kampagne up Startnext to dat Betallen van sien eerst Album in Gang sett.[4] Sien Debütalbum Laufen lernen hett Giesinger in Eegenregie mit Hülp van Rent a Record Company herutbrocht. Dat tweet Album Der Junge, der rennt wurr in Mannheim un Großenbrode upnommen.[5] Ditmal hett he dat schafft, mit BMG weer en Label för de Verapenlichung to winnen. Buterdem entwickel sück de vöraf herutbrocht Single 80 Millionen to Radioerfolg un steeg Anfang April 2016 in de düütsch Charts in. Twee Week later reck dat Album Platz 20 van de Charts in Düütschland un steeg ok in de Schweizer Hitparade in. Nahdem he to de Football-EM 2016 80 Millionen in en nee Version upnommen harr, reck de Platz 2 in de düütsch Charts.[6] An‘n 16. September 2016 keem mit Wenn sie tanzt de tweet Singleutkopplung van dat Album, de in‘n Dezember 2016 ebenfalls de Top 10 van de düütsch Singlecharts recken dee. De darte Single Roulette keem 2018 herut. Mit Anfang van de 2018er-Utgaav van The Voice Kids hett Giesinger den Singer Sasha as Coach ab aflöst.[7] An‘n 23. November 2018 keem dat darte Studioalbum van Giesinger, Die Reise, mit 13 Songs herut.

Siet 2016 is Max Giesinger Botschopper van Herzenssache, de Kinnerhülpsaktschoon van SWR, SR un Sparda-Bank, un sett sück dor för benahdeeligt Kinner un Jugendliche in sien Heimat in.

2019 weer he Juryliddmaat bi The Masked Singer.

Utteknungen[ännern | Bornkood ännern]

Max Giesinger mit de 1 Live Kroon 2016

Borns[ännern | Bornkood ännern]

  1. Vörlaag:Webarchiv/Archive-is i Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/www.ka-city.de, ka-city.de, 28. April 2009
  2. Max Giesinger: Ich bin auf dem richtigen Weg., stuttgarter-zeitung.de, 3. Februar 2012
  3. Die Musik spielt eine Nebenrolle In: Badische Neueste Nachrichten, 13. Januar 2012
  4. Max Giesinger - Debütalbum, Startnext.de
  5. https://www.youtube.com/watch?v=k6reKOapTUc
  6. King Soccer Is Back up germanchartblog an‘n 17. Juni 2016
  7. Uwe Mantel: Ex-"The-Voice"-Kandidat wird "Voice-Kids"-Coach. In: DWDL.de. 22. September 2017, afropen an’n 22. September 2017.
  8. Radio Galaxy Award 2016 für Max Giesinger (Memento von dat Original von’n 1. Dezember 2016 in dat Internet Archive) i Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/www.radio-galaxy.de, Radio Galaxy, 6. Juli 2016, afropen an’n 1. Dezember 2016
  9. Vörlaag:Literatur

Weblinks[ännern | Bornkood ännern]

Commons-logo.svg Max Giesinger. Mehr Biller, Videos oder Audiodateien to’t Thema gifft dat bi Wikimedia Commons.