Max Bleicken

Vun Wikipedia
Zur Navigation springen Zur Suche springen

Bleick Max Bleicken (* 27. Mai 1869 in Bredstedt; † 18. Juni 1959 in Cuxhoben) weer en düütschen Politiker.

Bleicken is 1869 as Söhn von Emilie, borene Simonsen, un Bleick Matthias Bleicken in Bredstedt boren. Na School un Wehrdeenst bi’n Landsturm hett he an de Christian-Albrechts-Universität in Kiel ahn Afsluss veer Semester Philologie un Theologie studeert un denn von 1892 bet 1895 Rechtswetenschoppen un Volksweertschop an de Friedrich-Wilhelms-Universität in Berlin un noch wedder in Kiel. He keem as Referendar na Hamborg un weer dor na sien Examen Assesser. 1900 is he Regerungsraad bi de Oberschoolbehöörd worrn.

Nadem 1907 de Oort Cuxhoben in dat hambörgsche Amt Ritzbüttel de Stadtrechten kregen harr, is Bleicken an’n 8. April 1907 as Börgermeester von Cuxhoben wählt worrn un hett dat Amt an’n 1. Juni övernahmen. Ünnerbraken weer sien Amtstied von en Stoot in de Novemberrevolution as an’n 6. November 1918 en Arbeider- un Soldatenraad dat Regeer in Cuxhoben övernahmen harr, de Bleicken an’n 7. Januar 1919 afsett hett. Na dat Enn von de Revolutionstied is Bleicken denn an’n 19. Februar 1919 wedder in sien Amt insett worrn. Von 1919 bet 1921 weer Bleicken ok as Afornten von de DDP in de Hambörger Börgerschop. Bleicken is an’n 31. Mai 1931 in Rohstand gahn un hett dat Amt as Börgermeester an Werner Grube övergeven. Von 1924 af an weer Karl Olfers sien Viez, de em 1946 in’t Amt as Börgermeester nafolgen dee.

De Bleickenschool in Cuxhoben hett an’n 7. Juni 1949 na em ehren Naam kregen. He hett an’n 25. März 1904 in Marn Elfriede Bünz heiraadt un harr mit ehr dree Kinner.

Warken[ännern | Bornkood ännern]

  • Entwurf einer Städteordnung für das hamburgische Staatsgebiet nebst Begründung. Verlag Westermann, Bruunswiek un Berlin 1918
  • Die Drei-Städte-Ecke (Komödie in 3 Aufz.), Hamborg 1919
  • Hamburg preußisch?. Denkschrift zum Verfassungsentwurf für den hamburgischen Staat, Hamborg 1918
  • Über die Stadt Cuxhaven – Hygiene-Organisation des Völkerbundes, [Internationale Studienreise nebst Fortbildungsvorträgen für ausländische Medizinalbeamte], tohoop mit Andrew Grapengeter, 1927
  • Die ersten 100 Jahre der Sparkasse des Amtes Ritzebüttel. Verlag Rauschenplat, Cuxhoben 1931