Matataua-Gletscher

De Matataua-Gletscher (von Maori Mata Taua för Späher) is en ölven Kilometer langen Gletscher in Viktorialand in Oostantarktika. In de Royal Society Range von de Transantarktischen Bargen flütt he von de Rampart Ridge ut twüschen Bishop Peak un Mount Potter dör na Noordwesten na de Ümgegend von Mount Bockheim.

Dat Advisory Committee on Antarctic Names hett em 1994 na David R. Marchant Marchant-Gletscher nöömt. He weer Glaziaalgeoloog an de University of Maine (siet 1995 an de Boston University). Von 1985 af an hett he analyseert, ut wat sik de Vulkaanasch tohoopsett un wat dat för paläoklimaatsche Verännerungen un geoloogsche Stabilitäten in dat Rebeed von de Antarktischen Drööggrunnen to bedüden hett. Dorbi hett he de Gletscherhistorie von’n oostantarktischen Iesschild opdeckt.

In’n September 2018 hett dat United States Board on Geographic Names bekanntgeven, dat de Gletscher den ne’en Naam Matataua-Gletscher kriggt. Grund weer, dat David R. Marchant bi Forschungsarbeiden in de Antarktis en Doktorandin sexuell belästigt harr un dorüm as Naamgever nich mehr in Fraag kummt. En Naamgever mutt de Polarforschung bi’t Vörankamen helpen, wieldes Marchant dat dör sien Verhollen verhinnert hett. De ne’e Naam von’n Gletscher lehnt sik an an’n Naam von’n Mata Taua Peak, de in de Naverschop liggt.

Weblenken

• Marchant Glacier in dat Geographic Names Information System von’n United States Geological Survey (engelsch)