Mary Roos

Vun Wikipedia
Zur Navigation springen Zur Suche springen
Mary Roos up dat Bierer-Berg-Fest in Schönebeck (Elv) an’ 19. August 2007
Up HarDies Straßenfest Berlin, 2. Juni 2011

Mary Roos (* 9. Januar 1949 in Bingen; börgerlich Rosemarie Böhm, borene Schwab) is en düütsch Slagersingersche.

Nah en lang künstlerisch Upbauphase gelung hör 1970 de musikalische Dörbröök mit den Titel „Arizona Man", en Kompositschoon vun Giorgio Moroder un Michael Holm. Dorbi wurrn eerstmals Synthesizer bi en düütsch Pop-Slager-Produktschoon insett. 1972 wunn se den düütschen Vörentscheed un reck bi den Grand Prix d'Eurovision internatschonal den darten Platz mit „Nur die Liebe lässt uns leben", bit dorhen en vun de spoodriekst Platzeeren vun en düütschen Bidrag. Dornah nehm se 1975 mit „Eine Liebe ist wie ein Lied" un 1982 gemeensam in’ Duett mit David Hanselmann („Lady") noch mal an de düütsch Vörentscheeden deel, kunn sück aber beid mal nich för den internatschonalen Wettbewarf qualifizeeren. 1984 schaff se mit Aufrecht geh’n to’n tweeten Mal den Weg in dat europääsch Finale vun den Grand Prix d'Eurovision, keem dor aber blots up Platz 13. Ok, wenn dat dormals nicht de groode Spood weer, hett se den Titel bit hüüd in hör Live-Repertoire behollen.

De Ünnerhollenskünstler Hape Kerkeling hett hör dat 2010 in sien Funktschoon as Chefspreker de Deelnahm an de nee grünnd Experten-Jury vun de düütsch Delegatschoon för den Eurovision Song Contest in Oslo. 2013 seet se bi den düütschen Vörentscheed „Unser Song für Malmö" neben wiederen Künstlern ut de Musikbranche nochmals in de Fackjury.

Privatleven[ännern | Bornkood ännern]

Mary Roos weer in en eerste Ehe mit den ut Frankriek stammen Pierre Scardin verheiraadt. He hett hör todem as Manager in de 1970er Johren in dat In- un Utland begleit. Nahdem se schett weern, weer se van 1981 bit 1989 mit den düütsch Singer un Musiker Werner Böhm alias Gottlieb Wendehals verheiraadt. Ut disse Ehe stammt de gemeensam Söhn Julian (* 1986).

Mary Roos leevt all siet mehreren Johren afwesselnd in Hamborg un Braunfels (Hessen).

Hör jüngere Süster is ünner de Naam Tina York ebenfalls siet de 1970er Johren as düütschsprakig Singersche spoodriek.

Weblenken[ännern | Bornkood ännern]

Commons-logo.svg Mary Roos. Mehr Biller, Videos oder Audiodateien to’t Thema gifft dat bi Wikimedia Commons.