Martina Fluck

Vun Wikipedia
Zur Navigation springen Zur Suche springen

Martina Fluck (* 1963 in Leverkusen) is ene düütsche Filmemakerin.

Fluck is 1963 in Leverkusen boren un in Düsseldörp opwussen un na School gahn. 1983 hett se ehr Abitur maakt un denn vun 1984 bet 1989 an de Hoochschool för Feernsehn un Film in München Speelbaas för Dokumentarfilm studeert. 1989 hett se tohoop mit’n Kameramann Jürgen Hoffmann de YUCCA Filmproduktion grünnt, de toeerst Dokumentarfilmen, Reportagen un Magazinbidrääg för Feernsehn un Kino maakt hett un later ok mit Industrie- un Werbefilmen wiedermaakt hett.

Siet 1997 leevt Fluck in Dithmarschen, in Heid un organiseert siet 2005 ok dat Dithmarscher Kortfilmfest KUNSTGRIFFROLLE.

För den Dokumentarfilm „Mein Traum, meine Liebe, meine Hoffnung - Lebenserinnerungen der Eva Sioa“, de in’t Kino lopen is, hett se 1993 den Hessischen Filmpries för Idee, Recherche un Dreihbook kregen. Denn hett se ok de Dokumentarfilm-Schrieverporträts „Erna Weißenborn - Eine Frau schreibt ihren Weg“ (2000), „Klaus Groth - Ein Dichterleben“ (2007) un „James Krüss oder Die Suche nach den glücklichen Inseln“ (2007) maakt. De Film to Klaus Groth is op Plattdüütsch.

Weblenken[ännern | Bornkood ännern]