Martin Strackerjan
Martin Strackerjan (* 1607 in Hesseln; † 10. Januar 1657 in Ollnborg) weer en düütschen Theoloog un Pädagoog.
Strackerjan is 1607 as Söhn von en eenfachen Buur in Hesseln bi Halle in Westfalen boren.[1] Eerst mit 13 Johr is he op en School gahn.[1] Na de School weer he von 1626 af an fiev Johr lang an de Universität Rinteln.[1] Dat Geld för dat Stdium hett he sik as Huuslehrer verdeent. 1630 hett he dor den Magister maakt.[1] 1631 schull he en Steed as Schoolmeester in Nörden övernehmen, hett denn aver ok en Steed as Rekter in Äulendörpe kregen un is dor hengahn.[1] 1633 is he as Rekter an dat Gymnasium Ossenbrügge gahn.[1] Von 1637 bet 1641 weer he Rekter von dat Athenaeum Stood un Diaken von de Nicolai-Kark.[1] Kort later is he an de Kark ok Pastoor worrn.[1] 1641 is he as Pastoor un Supperndent na Oterndörp wesselt un 1644 as Supperndent un Kunsistorialraad na Demost.[1] 1652 is he tosätzlich Supperdent un Kunsistorialraad in Ollnborg worrn.[1]
He hett Katharina Steding (Dochter von Theodor Steding) freet.[1] De beiden harrn den Söhn Johann Strackerjan, de ok in de Theologie gahn is, un de Dochter Anne (1639–1652).[1]