Martin Hieronymus Schrötteringk

Vun Wikipedia
Zur Navigation springen Zur Suche springen

Martin Hieronymus Schrötteringk (* 1. März 1768 in Hamborg; † 19. August 1835 ok dor) weer en düütschen Jurist.

Schrötteringk is 1768 as dat eenzige Kind von Anna Christina Sophia, borene Strodt (1733-1814), un Martin Wolder Schrötteringk (1728-1803) in Hamborg boren un weer op dat Akademische Gymnasium in Hamborg. He hett denn von 1789 af an an de Universität Göttingen Juristeree studeert un dor 1791 sien Dokter maakt. Na dat Studium is he Avkaat in Hamborg worrn un 1805 gradueerten Richter an’t Neddergericht. 1807 is he Senater worrn, 1811 Prätur un Polizeibaas un 1812 Präsident von de sössde Sekschoon von’n Eersten Kanton.

1821 bet 1827 weer he denn Amtmann in dat Amt Ritzbüttel un is 1827 Baas von dat Departmeent von de Wedde worrn un hett ok de Landprätur von de Walddörper övernahmen, de dor ok an hungen hett. Schrötteringk is an’n 12. März 1834 as Nafolger von Johann Arnold Heise Börgermeester von Hamborg worrn. He is aver al 1835 dör en Slaganfall doodbleven. Sien Amt as Börgermeester hett denn David Schlüter övernahmen.

1806 hett he Catharina Christina Amalia Klefeker (1790-1860) freet. De beiden harrn negen Kinner.

Warken[ännern | Bornkood ännern]

  • De obaerato tam naturaliter, quam civiliter tali, an, et quatenus iure Hamburgensi valide contrahere et in iudicio agere possit. Dokterarbeid, Göttingen 1791