Martin Derganc

Martin Derganc (* 20. März 1977 in Novo mesto) is en ehmalger sloweensch Radrennfohrer.

Karriere

Martin Derganc fung sien Profikarriere 2000 bi dat tweetklassig sloweensch Team KRKA-Telekom Slovenije an, harr aber all tovör in de U23 för de italieensch Mannschap Zalf-Désirée-Fior eenig good Ergevnisse infohren; so wunn he ünner annern 1997 dat sloweensch Eendagsrennen Grand Prix Krka. In sien eerst Johr as Profi kunn he de Gesamtwertung vun de Slowenien-Rundfohrt, den Grand Prix Krka un de Gesamtwertung as ok en Deelstreck vun de Kroatien-Rundfohrt up sien Naam schrieven. Een Johr later wurr he sloweensch Meester in’t Straatenrennen.

In de Saison 2002 is he denn för dat italieensch Team Acqua e Sapone-Cantina Tollo antreden, wo he in Mario Cipollini sien Sprinterzug integreert wurr, aber mit en Etappensieg bi de Öösterriek-Rundfohrt ok för en eegen Spood sörgen kunn. För de Johren 2003 un 2004 ünnerschreev he bi dat italieensch Team Domina Vacanze-Elitron un kunn 2003 trotz en bannig swoor Unfall bi Mailand–Sanremo^[1] de Gesamtwertung un een Deelstreck vun den Brixia Tour winnen.

Martin Derganc, de all nah de Saison 2004 sien Profikarriere afslooten hett, is tweemal bi den Giro d’Italia antreden un keem 2002 up Platz 95 vun de Gesamtwertung. Sien spoodriekst Saison weer 2001, de he ünner de 250 besten Fohrer vun de UCI-Weltranglist afsluuten dee.