Marrakesch

Vun Wikipedia

Marrakesch (Araabsch مراكش) is en Stadt in Marokko mit 848.000 Inwahners (Stand 1. Januar 2004) un liggt in ene Dattelpalmoaas an'n Foot vun den Hogen Atlas in Noordafrika. De Stadt hett enen groten Flooghaven un weer tietwies de Sultansresidenz.

Dat Wohrteken vun de Stadt is de Koutoubia-Moschee, von wo ut de Muezzin all veer Stünnen Dag un Nacht över'n Luutspreker Allah anröppt. In de överdackten Souks weert Krüder, Teppiche, Ledder- un Metallwaren anbaden. Dat Hart vun de Ooltstadt is de Djemaa-El-Fna, de Platz vun de Göklers. Hier ünnerhoolt Geschichtenvertellers un Muskanten en groot Publikum. Dar gifft dat Slangenbeswörers un Apenkunststücken to bewunnern. Bi Sünenunnergang gifft dat för en paar Cents bi de velen Gaarköken up Rööd orientaalsche Spiesen, wat besünners för de armen Lüüd dacht is.

Marrakesch is neben Fès, Rabat un Meknès een van de veer Königsstädte van Marokko.

Weblenks[ännern | Bornkood ännern]

Marrakesch. Mehr Biller, Videos oder Audiodateien to’t Thema gifft dat bi Wikimedia Commons.