Marina Ruperti

Vun Wikipedia
Zur Navigation springen Zur Suche springen

Marina Ruperti (* 19. September 1952 in Hamborg) is en düütsche Feernsehjournalistin.

Loopbahn[ännern | Bornkood ännern]

Ruperti hett vun 1973 bit 1977 an de Universität Hamborg Anglistik, Germanistik un Pädagogik studeert. !977 hett se ehr eerst Staatsexamen un twee Johren later dat tweete Staatsexamen för’t Lehramt an Wolks- un Realscholen afleggt.

In de Johren vun 1979 bit 1981 hett se in London för de Sunday Times naforscht un översett. Dorna weer se bit 1983 fre’e Mitarbeitersche bi’t Hamburger Abendblatt. Vun 1983 bit 1987 hett se denn Filmbidrääg un Narichtensennen bi Sat.1 (dormols APF Blick) plaant un modereert.

Siet 1987 is Ruperti bi’t ZDF. Se hett vun 1987 bit 1989 dat heute-Journal modereert un dorna bit 1994 dat ZDF-Mittagsmagazin. Vun 1994 an hett se as Moderatersche Nina Ruge in heute Nacht vertreden. In’n Wessel mit Günther Neufeldt föhr se vun 1996 bit 1997 dör dat ZDF-Abendmagazin, un dorna in’n Wessel mit Steffen Seibert dör de Sennen Hallo Deutschland. Vun 2000 bit 2011 hett se dat Magazin ML Mona Lisa modereert un schrifft ok vundaag noch Bidrääg för dat Programm.

Ruperti is mit Ruprecht Eser verheiraat un hett twee Kinner.