Mari Eder

Vun Wikipedia
(wiederwiest vun Mari Laukkanen)
Zur Navigation springen Zur Suche springen
Mari Laukkanen in Hochfilzen 2010 (Training)

Mari Eder (* 9. November 1987 as Mari Laukkanen in Eno) is en finnisch Biathletin un Skilanglöperin. In’n Juli 2018 hett se den ehmalgen öösteriekschen Biathleten Benjamin Eder heiraadt.

Biathlon[ännern | Bornkood ännern]

Mari Laukkanen, Studentin ut Eno, bedrifft siet 1999 Biathlon un hörrt siet 2001 to'n Natschonalkader vun Finnland. De finnische Junioren-Biathletin vun de Saison 2005/06 wurrd vun Tomi Kuutti traineert un start in' Biathlon för den Kontiolahden Urheilijat („Kontiolahti Sport Club“) as ok in' Skilangloop för Enon Kisa-Pojat. 2005 nehm se in hör finnisch Heimat, in Kontiolahti, eerstmals an en Junioren-Weltmeesterschap deel. Hör best Ergevnis reck se as Veertplatzeerte mit de Staffel, in de anner Rennen keem se nich ünner de best 15. Een Johr later in Presque Isle kunn se as Veerte in der Verfolgung nah Rang 13 in' Sprint hör best Eenzelergevnis bi en Junioren-WM recken. Bi de Junioren-Europameesterschap vun dat sülvig Johr in Langdorf wunn se in de Verfolgung de Goldmedaille, keem in dat Eenzel up Rang 5 un in' Sprint up Rang 8. 2007 bi de Junioren-Weltmeesterschapen in Martell keem se bi de Eenzelrennen nich ünner de best Teihn, mit de Staffel reck se den 5. Platz. Ansluutend drüff Laukkanen eerstmals bi en Biathlon-WM antreeden. In Antholz kunn sück de Finnin as 43. sofort för dat Verfolgungsrennen qualifizeeren. Mit de Damen-Staffel keem se up Rang 12 un mit de Mixed-Staffel reck se den 16. Platz.

In' Sömmer is Laukkanen bi de Weltmeesterschapen in' Sömmerbiathlon antreeden un verpass jewiels as Veerte in' Sprint as ok in de Verfolgung tweemal knapp en Medaille. Siet de Saison 2007/08 trett Laukkanen in' Biathlon-Weltcup an. Se geev hör Debüt in Kontiolahti un keem dor in dat Sprintrennen up Rang 79. Letztmals nehm se in Ruhpolding an en Junioren-WM deel. Ok bi hör veert Antreeden verpass se as Fievte in de Verfolgung blots knapp en Medaille. Hör internatschonalen Dörbröök kunn Laukkanen bi de Biathlon-Weltmeesterschapen 2008 in Östersund fiern. As 34. in' Sprint un 33. de Verfolgung verpass se blots knapp hör eerst Weltcuppunkte. In dat Eenzelrennen keem se up den 47. Platz, mit de Mixed-Staffel up Platz 10 un mit de Damen-Staffel Platz 15. Eerste Weltcuppunkte reck Laukkanen bi dat Weltcupfinale an' Holmenkollen in Oslo, wo se in' Sprint den 26. Rang reck. Dormit reck se in den Gesamtweltcup Platz 73. Bi de Biathlon-Weltmeesterschapen 2009 keem se mit de Mixed-Staffel up den 6. Platz.

Mari Laukkanen hett an de Olympisch Winterspelen 2010 deelnommen. Dorbi bleev hör best Ergevnis Platz 43 in dat Eenzelrennen. Ehrn Dörbröök in' Weltcup harr Laukkanen in de Saison 2011/12. Dreemal keem se ünner de best 20, an' Holmenkollen in Oslo reck se dorbi mit en 14. Rang in en Verfolgungsrennen nah en 20. Platz in' Sprint hör best Ergevnis. An dat Enn vun de Saison reck se Platz 36 in den Gesamtweltcup

Im Biathlon-Weltcup 2012/2013 reck se in’n Sprint in Ruhpolding an‘n 11. Januar 2013 hör eerst Top-10-Ergevnis in‘n Weltcup un belegg aber an’n Enn blots Rang 57 in de Gesamtwertung.

In de Saison 2013/2014 wies se sück van Anfang an düchtig loopstark. In mehreren Rennen reck se Looptieden ünner de best teihn in de Loipe, aber dör swaak Scheeten keem se faken nich mal in de Punkteränge. Nach en 9. Platz in‘n Sprint in Pokljuka reck Laukkanen to Huus in Kontiolahti wat unverwacht Platz 3 in’n Sprint. Mit de achtbest Looptiet un ahn Scheetfeler reck se achter Kaisa Mäkäräinen un de ebenfalls fehlerfree Russin Olga Saizewa hör eerst Podiumsplatzeeren in’n Weltcup. In de Endafreeken vun den Gesamtweltcup harr se sück up Rang 42 verbeetert.

In de Folgesaison kunn se aber nich mehr an disse Erfolge anknütten. Blots in de Sprintrennen in Oberhof un Ruhpolding reck se jewiels den 5. Platz. Dat bleeven aber hör eenzig Top-10-Platzeeren in de Saison. Bi de Heim-WM in Kontiolahti weer Platz 16 in’n Sprint hör best Resultat, för den Massenstart kunn se sück nich qualifizeeren. An’n Enn‘ van de Saison keem se up Platz 36 in den Gesamtweltcup.

De Saison 2015/16 leep ok weer nich goot. Trotz Vörbereiten mit de öösterrieksch Mannschap un Scheettraining an dat Universitäts- un Landessportzentrum Salzburg/Rif harr se immer weer mit gesundheitlich Problemen to kämpen. Se hett de Saison sogor vör de Tiet afslooten, um sück um hör körperliche Probleme to kümmern. In de Gesamtwertung van de Saison keem se up Platz 62. Dat hett sück denn herutstellt, dat se, as völ anner Biathleten ok, an dat Pfeiffer-Drüsenfever krank weer.

Umso beter leep dat in de Saison 2016/17. Se fung woll ähnlich schlecht, as in de Vörsaison an, keem aber all bi de Biathlon-Weltmeesterschapen 2017 in Hochfilzen in’t Eenzel up den 4. Platz un verpass dormit knapp en Medaille.Bi den Weltcup-Afsluss in Oslo wunn se denn aber eerst den Sprint vör Justine Braisaz un Anaïs Bescond un kunn ok dat folgend Verfolgungsrennen up hör Naam schrieven un leet Gabriela Koukalová un Justine Braisaz achter. Blots in Massenstart keem se mit Platz 6 nich up dat Podest. An dat Enn‘ van de Saison harr se mit Platz 26 hör best Platzeeren reckt un in den Eenzelweltcup reck dat noch för Platz 9.

In de Saison 2017/18 keem se in den Gesamtweltcup blots up den 37. Platz un dorbi nich eenmal ünner de Top-10. Ok bi de Weltmeesterschaft van dat Johr keem se nie ünner de best 30.

Langloop[ännern | Bornkood ännern]

Neben Biathlon bedrifft Leder ok Skilangloop un nimmt siet 2005 immer weer an Wettbewarfen van meestens ünnerklassigen Rennserien deel. In de Saison 2013/14 reck se aber in’n Langloopweltcup immerhen Platz 14 un bi de Olympisch Winterspelen 2014 is se in’n Sprint antreeden un keem dor up Platz 15, un 2018 in Korea keem se mit de Mannschap in den Teamsprint sogor up Platz 5.

Weblenken[ännern | Bornkood ännern]

Commons-logo.svg Mari Eder. Mehr Biller, Videos oder Audiodateien to’t Thema gifft dat bi Wikimedia Commons.