Marco Amelia

Vun Wikipedia
Marco Amelia (2012)

Marco Amelia (* 2. April 1982 in Frascati, Provinz Rom) is en ehmalg italieensch Footballspeler, de as Doorhöder insett weer. Amelia hörr to’n Kader vun de italieensch Natschonalmannschap, de bi de Football-Weltmeesterschap 2006 den Titelgewinn fiern kunn.

Vereene[ännern | Bornkood ännern]

Marco Amelia fung sien Loopbahn bi AS Rom an, keem aber nich to’n Insatz in de eerst Mannschap. To de Saison 2001/02 is he to’n Serie C1 Vereen AS Livorno wesselt, mit de he denn ok glieks in de Serie B upsteegen is. In sien tweet Saison in de Toskana wurr Amelia to’n Stammdoorhöder. Verscheeden Serie-A-Vereens wurrn up hüm upmarksom. Sluutend hett man to de Henrunn vun de Saison 2003/04 to US Lecce ut. Ansluutend wurr he an den AC Parma utlehnt, wo he aber kien Insatz harr. To de Saison 2004/05 kehr Amelia to sien ehmalgen Vereen AS Livorno torüch, de intüschen in de Serie A upsteegen weer. Dor wurr he ok glieks weer Stammdorhöder un bleev dat ok.

Nahdem Livorno nah de Saison 2007/08 weer afstiegen dee, kunn man Amelia nich mehr hollen, so dat he to Palermo wesseln dee, wo he en Veerjohresverdrag afsluuten un Alberto Fontana as Nummer een aflösen dee.[1]

Een Johr later wessel Amelia in‘ Tuusch mit Rubinho to’n CFC Genua.[2][3]

An‘n 22. Juni 2010 hett Amelia en tonächst up een Johr befrist Leehnsverdrag bi den AC Mailand ünnerschreeven. Den Vereen wurr todem en up 2,5 Millionen Euro fastleggt Koopoptschoon tosekert.[4] Nahdem he den Vereen in’n Sömmer 2014 verlaaten hett, speel Amelia in ünnerklassig Vereenen.

An‘n 8. Oktober 2015 hett sück de siet Sömmer ahn Vereen dorstahn Amelia den FC Chelsea anslooten. He kreeg dor en Verdrag bitt o dat Enn’n vun de Saison 2015/16 un sull nah de Besehren vun Thibaut Courtois neben Asmir Begović un Jamal Blackman dat Doorhöderteam ergänzen.[5] 2017 hett he denn noch mal en Verdrag för 6 Maand bi Vicenca Calcio ünnerschreeven.

Nah sien aktiv Karriere weer he denn noch för en lütt Sett Trainer bi en Veertligisten.

Natschonalmannschap[ännern | Bornkood ännern]

Amelia keem in de italieensch U-21-Natschonalmannschap regelmatig to’n Insatz un wunn mit disse Mannschap 2004 bi de Olympisch Sömmerspelen in Athen de Bronzemedaille. Wegen sien besünners goot Leistung bi AS Livorno wurr he 2005 ok för de A-Natschonalmannschap beropen un fier in’n November sien Lännerspeeldebüt, as he för Christian Abbiati inwesselt wurr. För de WM 2006 wurr Amelia as dart Doorhöder achter Gianluigi Buffon un Angelo Peruzzi för den italieenschen WM-Kader inladen. Nah de WM un den Rückträe vun Peruzzi wurr he regelmatig Ersatzdoorhöde.

Ok bi de EM 2008 weer he Ersatzmann achter Buffon, aber 2009 verlor he sien Platz as tweet Mann un wurr vun Federico Marchetti verdrängt. För de WM 2010 wurr he nich mehr nomineert. Insgesamt hett he 9 Lännerspelen för Italien maakt.

Weblinks[ännern | Bornkood ännern]

Marco Amelia. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Preso Amelia
  2. Amelia al Genoa, preso Rubinho
  3. 5 agosto 2008 COMUNICATO STAMPA
  4. Milan, ecco Amelia: 'E' un onore essere qui'
  5. FC Chelsea: Amelia signing completed, 8. Oktober 2015, afropen an’n 9. Oktober 2015.