Manuela Stellmach

Vun Wikipedia
Zur Navigation springen Zur Suche springen
Manuela Stellmach (2. v. rechts) bi de DDR-Swemmmeesterschapen in Erfurt (1987)

Manuela Stellmach (* 22. Februar 1970 in Berlin) is en ehmalge düütsch Swemmsportlerin, de sowohl för de DDR as ok nah de Weddervereenigen för Düütschland antreeden is.

Werdegang[ännern | Bornkood ännern]

Manuela Stellmach bi de DDR-Wintermeesterschapen in Potsdam (1988)

De gröttsten Erfolge harr de Freestilspezialistin mit den Staffeln. So wurr se 1985 mit de DDR-Staffel över 4×100 Meter Freestil Europameesterin, 1986 Weltmeesterin över 4×100 Meter un 4×200 Meter Freestil un 1988 in Seoul tosommen mit Kristin Otto, Katrin Meißner un Daniela Hunger Olympiasiegerin mit de 4×100 Meter Freestilstaffel. Up de Eenzelstrecken stunn se meestens in' Schadden vun Heike Friedrich. De eenzig Eenzelerfolg weer de Titel över 200 m Freestil bi den Europameesterschapen 1989 in Bonn.

Se kunn gemeensam mit de DDR-Freestilstaffel mehrfack de Weltrekord över 4×200 Meter Freestil verbetern.

Manuela Stellmach weer en vun de wenig Swemmsportlerinnen ut de DDR, de ok noch nah de Wende wiederhen spoodriek weern. Se wunn mit düütsch Staffeln noch Titel bi Welt- un Europameesterschapen. 1994 hett se hör Loopbahn aflsooten.

1986 wurr se mit den Vaterländischen Verdienstorden in Sülver un 1988 in Gold uttekent.[1][2]

DDR-Doping[ännern | Bornkood ännern]

In' Toog vun den DDR-Dopingperzess, wo se vör dat Landgericht Berlin as Tüüg laden weer,[3] wurr ünner annern bekannt, dat Volker Frischke, de in de 1980er Johren hör Trainer in' B-Natschonalkader vun de DDR weer, hör anabole Steroide verafreicht hett.[4]

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Neues Deutschland, 15. Oktober 1986, S. 7
  2. Neues Deutschland, 12./13. November 1988, S. 4
  3. „Wichtige Protokolle ohne Unterschrift“ in der Berliner Zeitung, 9. Juni 1998; Stand: 7. Mai 2009
  4. „Die Meister-Macher“ online bi de Berliner Zeitung, 19. März 1998; Stand: 7. Mai 2009.