Manifest för en gemeensame Spraak

Dat Manifest för en gemeensame Spraak (spaansch Manifiesto por la lengua común) is en Manifest, dat vun 20 spaansche Intelektuelle in’n Juni 2008 rutgeven worrn is. Se stellt sik dormit gegen de Regionalspraken, de de Domänen vun dat Spaansche in Katalonien, Galizien, dat Baskenland un Aragonien jümmer mehr inschränken doot. Dat Spaansche schall de offizielle un gemeensame Spraak vun ganz Spanien blieven, seggt de Ünnerteekners vun dat Manifest.

Ünnertekent hebbt dat Manifest Mario Vargas Llosa, José Antonio de la Marina, Aurelio Arteta, Félix de Azúa, Albert Boadella, Carlos Castilla del Pino, Luis Alberto de Cuenca, Arcadi Espada, Alberto González Troyano, Antonio Lastra, Carmen Iglesias, Carlos Martínez Gorriarán, Jose Luis Pardo, Álvaro Pombo, Ramón Rodríguez, Jose Maria Ruiz Soroa, un Fernando Savater.

In dat kastielsche Spanien hett dat Manifest veel Tostimmung kregen, in de Regionen hebbt se dat aver as Utdruck vun de spaansche Arroganz sehn, de de spaansche Spraak as wat Beters as de Regionalspraken ansüht.