Manfred Hüniken
Manfred Hüniken (* 28. Mai 1928 in Kussow, Amt Güstrow, Mekelnborg-Swerin; † 21. August 2017)[1] weer en düütsch Politiker (CDU) un Landdagsafordneter vun Neddersassen.
Leven
[ännern | Bornkood ännern]Hüniken weer Söhn vun den Gootsbesitter Georg-Günther Hüniken. Julius Hüniken (1824–1891) weer sien Oorgrootvader. He hett dat Realgymnasium in Güstrow bit to dat Notabitur besöcht. Nah en kört Kriegsfangenschap fung he en Landwertschapslehre an de landwertschaplich Fackhoochschool Ossenbrügge-Melle an. Af 1950 weer he landtechnisch Lehrer bi de DEULA, den Düütsch Lehranstalten för Agrartechnik. 1953 övernehm he den Upbau vun de DEULA in Westerstäe.
He weer Liddmaat vun den Verwaltensraat vun de Landssporkass to Ollborg. In‘ Sozialverband VdK weer he af 1994 ehrenamtlich as Kreisverbandsvörsitter un siet 1998 bit kört nah sien 80. Gebortsdag 2008 as Landsverbandsvörsitter tätig.[2]
Hüniken weer verheiraadt un harr veer Kinner.
Politik
[ännern | Bornkood ännern]Hüniken weer van 1967 bit 1986 Vörsitter vun den CDU-Kreisverband Ammerland un weer ansluutend dor Ehrenvörsitter.[3] He weer Liddmaat vun den CDU-Landsvörstand Ollnborg un Liddmaat vun den Bundsfackutschuss för Wertschapspolitik vun de CDU.
Sien kommunale Loopbahn fung 1961 as Raatsherr in Westerstäe an. Dor wurr he 1976 Börgermeister vun de Stadt. He is Ehrenbörger un Ehrenbörgermeester vun Westerstäe. Siet 1964 hörr he den Kreisdag vun den Landkreis Ammerland an, siet 1968 weer he Vörsitter vun de CDU-Kreisdagsfraktschoon.
För den Landdagswahlkreis Ammerland hörr Hüniken in de 9. un 10. Wahlperiood (van‘ 21. Juni 1978 bit to’n 20. Juni 1986) den Neddersasschen Landdag an.
Litaratur
[ännern | Bornkood ännern]- Barbara Simon: Abgeordnete in Niedersachsen 1946–1994. Biographisches Handbuch. 1996, Siet 177.