Makel (Lepidopterologie)
En Makel (latiensch: macula ‚Fleck‘) in de Bottervagelkunn (Lepidopterologie) is en Fleck up en Bottervagelflögel, de för de Bestimmung vun de Aart speziell bi Uulenfaltern bruukbar ween kenn. Je nah Laag up den Flögel ünnerscheed man:
- Ringmakel: En meest rund, gelegentlich ok längliche Makel in de Mittelzelle vun den Vörderflögel. Se kann to’n Vörderrand hen apen oder up en lütten Punkt minneseert ween.
- Nierenmakel: En meest längliche, faken nierenförmige Makel an dat Enn‘ vun de Mittelzelle vun den Vörderflögel. Se kann ähnlich farvt ween as de Ringmakel oder ok dat domineeren Teeknungselement ween.
- Zapfenmakel: En meest länglich Makel, de vun de binnere Dwarslien ut in dat Mittelfeld ragt. Se kann up en dunklen Punkt an hör Tipp minneseert ween oder dör en swaarten Streek mit de butere Dwarslien verbunnen ween.
Bispelen
[ännern | Bornkood ännern]-
Perigrapha i-cinctum: De groot, hell, buten liggen, nierenförmige Fleck up de Vörderflögeln is de Nierenmakel. De helle Fleck in de Mittelzelle, de de Form vun en 8 wiest, is de Ringmakel. En Zapfenmakel fehlt disse Aart. -
Ulochlaena hirta: De geelbruun, nierenförmige Fleck is de Nierenmakel. De geelbruun, drüppelförmige Fleck is de Ringmakel. Da geelbruun, längliche Teeken ünnerhalv vun de Ringmakel is de Zapfenmakel. -
Bergsteppen-Erdeule (Euxoa recussa): De hellbruun, nierenförmige Fleck is de Nierenmakel. De hellbruun, meest kreisrund Fleck is de Ringmakel. Dat swaart, länglich Teeken ünnerhalv vun de Ringmakel is de Zapfenmakel. -
Utroopteeken (Agrotis exclamationis): De groot, nierenförmig, dunkelbruun an den Rand, in Richt Vörderrand apen Fleck is de Nierenmakel. De kreisrund, dunkelbruun an den Rand, in Richt Vörderrand apen Fleck is de Ringmakel. Dat swaart, länglich Teeken ünnerhalv vun de Ringmakel is de Zapfenmakel.
Weblenken
[ännern | Bornkood ännern]- Axel Steiner: [1] Bestimmungshilfe für die in Europa nachgewiesenen Schmetterlingsarten van‘ 22. Mai 2010, afropen an‘ 15. Februar 2017