Münkeboe

Vun Wikipedia
Zur Navigation springen Zur Suche springen

Münkeboe [[mʏnkəˈboː]] is siet de Gemeendrebeetsreform van’ 1. Juli 1972 en Oortsdeel vun de Gemeend Südbrookmerland[1] in’ Landkreis Auerk in Oostfreesland. Münkeboe harr in dat Johr 2005 etwa 1800 Inwahners, in dat Johr 2012 bedroog de Inwahnertall noch 1.739. Oortsvörsteiher is Alfred Wienekamp (SPD).[2]

Wat antokieken sück lohnt[ännern | Bornkood ännern]

In dat Münkeboer Dörpmuseum wurrn siet 1990 olt Handwarkskunst un Arbeitsreeschkop vun de ländlich Bevölkerung dorstellt. Deel vun dat Museum sünd ünner annern en funkschoonsfähige Windmöhlen, en kumplett inricht Stellmaakeree, Schmeed, Discheree, Pöttgeree, Backeree, Schoolzimmer un Kolonialwarenladen. To bestimmt Vörführtieden sünd disse Inrichtungen beleevt. Dat Museum gifft dat ok in en mobil Utführung, de överall to’n Insatz kommen kann.

Regelmatig Veranstaltungen[ännern | Bornkood ännern]

Eenmal in’t Johr to’n Anlaat vun de Münkeboer Festdaag rull en Korso mit mehreren Wagen dör dat olt Moorkolonistendörp. Dorto hörrt ok en Oldtimerdrapen mit 600 olt Pkws, Motorrööd un Traktoren. Disse Veranstaltung is ok touristisch vun Bedüüden.

Karken un Religionsgemeenschapen[ännern | Bornkood ännern]

In Münkeboe gifft dat en Evangeelsch-lutherisch Karkengemeend um de Kark to’n gooden Hirten. Liddmaaten vun de Evangeelsch-Freekarklich Gemeend wurrn vun de Gemeend vun dat in de Nahberschap liggen Moorhusen betrüet. De för de wenigen Katholiken tostännig Kark is in Auerk.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Statistisches Bundesamt (Hrsg.): Historisches Gemeindeverzeichnis für die Bundesrepublik Deutschland. Namens-, Grenz- und Schlüsselnummernänderungen bei Gemeinden, Kreisen und Regierungsbezirken vom 27. 5. 1970 bis 31. 12. 1982. W. Kohlhammer GmbH, Stuttgart und Mainz 1983, ISBN 3-17-003263-1, S. 260.
  2. Gemeinde Südbrookmerland: Ortsvorsteher, afropen an' 15. Dezember 2012