Mündelheim

Vun Wikipedia
Zur Navigation springen Zur Suche springen
Mündelheim vun Westen ut

Mündelheim is en olet Fischerdörp in’n groten Rhienbagen twuschen Duisborg-Ruhroort un Düsseldörp-Kaiserswerth bi Stroomkilometer 765. Vun 1929 af an, as de Kommunen nee insorteert wurrn weern, höört Müdelheim na de Verwaltung hen as en Stadtdeel to’n Stadtkreis Duisborg un liggt in’n Stadtbezirk Duisborg-Süüd.

To düssen Stadtdeel höört, blangen den Oort Mündelheim sülms de vörmoligen Dörper Ehingen, Serm un Rheinheim. Hüdigendags leevt dor alltohopen 6.153 Inwahners [1]. Na siene Geschichte, na de Struktur vun siene Inwahnerschop un ok na dat Utsehn vun den Oort gifft dat grote Unnerscheede to de Stadt Duisborg, de to dat Ruhrrebeet tohöörn deit.

Dat ole Dörp Mündelheim weer mehr as dusend Johre lang präägt vun de Landweertschop un lett jummers noch, as en Dörp. Vunwegen, datt et in’n Rhienbagen liggt, is dat up dree Sieten vun Water umgeven. Gegen dat Hoochwater is Mündelheim dör en Diek vun’n Stroom scheedt.

Bit 1929 höör dat Dörp Mündelheim to dat Amt Angermund, wat wedder Deel vun dat Hartogdom Berg weer. Na en Oorkunn ut dat Johr 956 hett de düütsche Kaiser Otto I. sien Egendom in Mundilincheim in dat Johr 947 an dat Stift Gannersen in’n Horz schunken. Dör den Stadtdeel dör löppt en Spraakgrenz, de Uerdinger Linie.

Belegen[ännern | Bornkood ännern]

  1. Inwahnertahl vun’n 31. Dezember 2008

Weblenks[ännern | Bornkood ännern]

Commons-logo.svg Duisburg-Mündelheim. Mehr Biller, Videos oder Audiodateien to’t Thema gifft dat bi Wikimedia Commons.