Möhl Meyenborg
De Möhl Meyenborg is en Watermöhl an’n Möhlengraven in’n Meyenborger Möhlengrund (Möhlendamm 4).
De Borg Meyenborg (op de ok dat Good Meyenborg trügggeiht) is 1306 anleggt worrn. Toeerst weren dor verscheden Ridders an bedeeligt, aver later hett de Familie von Weersbe de Borg alleen övernahmen. Nadem de Borg anleggt worrn is, is noch in dat 14. Johrhunnert ok de Watermöhl boot worrn.
De Möhl harr twee Mehl- un twee Göttgäng. Na en Brand 1830 is se mit gröttere Leistung nee wedder opboot worrn. 1840 hebbt se dat hölten Möhlenrad ut- un en Turbien inboot. 1856 is de Möhl noch wedder ümboot worrn. Von 1919 bet 1970 lööp en noch stärkere Turbien. De letzte Möller, Johann Iggena, hett de Möhl 1970 stillleggt, nadem de Turbinenwell braken weer. De Landkreis Oosterholt hett denn dat Turbinenhuus afreten un wedder en Möhlenrad inboot. De Möhl löppt vondaag wedder un kann mahlen. Dor is nu en Heimatstuuv in ünnerbrocht. Se warrt von’n Arbeidskreis för Dörpverschönerung un Heimatpleeg Meyenborg pleegt un bruukt.
Weblenken[ännern | Bornkood ännern]
- Websteed von Arbeidskreis un Möhl (hoochdüütsch)
Koordinaten:53° 16′ N, 8° 36′ O