Lynsey de Paul

Lynsey de Paul, 1974

Lynsey de Paul (* 11. Juni 1950 in London, England; † 1. Oktober 2014 ok dor; eegentlich Lynsey Monckton Rubin) weer en britisch Singerin un Songschrieverin.

As Texterin vun dat vun de Grupp The Fortunes sungen Leed Storm in a Teacup harr se 1972 en eersten Hit in de britisch Charts. Eenig Maand later kunn se dor mit Sugar Me en wiederen Titel platzeeren, ditmal vun hör sülvst sungen.

1973 weer se de eerste Fru, de den Ivor Novello Award kreeg – för den Song Won't Somebody Dance with Me, de as best Ballade uttekent wurr. Hör 1976 upnommen Song If I Don’t Get You the Next One Will hett se dat Enn' vun hör Affäär mit Ringo Starr verarbeit.

Mit dat Leed Rock Bottom, de se tosommen Mike Moran schreev, nehm se 1977 an den Eurovision Song Contest deel un belegg den tweeten Platz. De Song reck in Düütschland, Frankriek, den Nedderlannen, Öösterriek un de Swiez vördere Platzen in de Single-Charts.

All tosommen schreev se tüschen1972 un 1977 14 Songs, de in de britischen Charts keemen. Neben hör Musikkarriere weer se ok as Schauspeelerin in Feernsehserien un Musicals tätig. 1992 broch se en Video över Sülvstverteedigung mit den Titel Taking Control herut.

Lynsey de Paul is an' 1. Oktober 2014 in dat Öller vun 64 Johren in en Londoner Krankenhuus an de Folgen vun Hirnblööden storven.

Diskografie

• Sugar Me (1972)
• Surprise (1973)
• Lynsey Sings (1973)
• Taste Me Don't Waste Me (1974)
• Love Bomb (1975)
• Tigers and Fireflies (1978)
• Before You Go Tonight (1990)
• Just a Little Time (1994)
• Sugar and Beyond (2013)
• Into My Music: Anthology 1975 - 1979 (2013)

Weblenken

Lynsey De Paul. Mehr Biller, Videos oder Audiodateien to’t Thema gifft dat bi Wikimedia Commons.

• Offizielle Websteed
• Lynsey de Paul in de Internet Movie Database (engelsch)
• Diskografie un Billergalerie (engelsch)