Lupow

Vun Wikipedia
Zur Navigation springen Zur Suche springen

Disambig.svg Dit Woort hett noch annere Bedüden: kiek dorför ünner Lupow (Dörp).

Lupow bi Schmolsin
Waterkraftwark bi Schmolsin
Brügg över de Lupow bi Schmolsin

De Lupow is en Stroom in Pommern. Se is tohoop mit de Obrówką 98,7 Kilometer lang. Vun alltohoop 924,5 km² deit dat Water na de Lupow affleten.

De Born liggt 256 Meter över de See in’n Lupowsker See. He liggt in’n Landschopspark Stolpdaal bi dat Dörp Saviat. An’n Ünnerloop gifft dat in de söss Dörper Schmolsin, Wendsch Silkow, Driesen, Labehn, Poganitz un Lupow Waterkraftwarken, de tohoop en Leistung vun 0,94 MW hebbt. Kort vör de Münn deit de Lupow üm’n Revekol rüm un in’n Goarder See fleten. De Goarder See is dör en so üm un bi een Kilometer brede Nehrung vun de Oostsee trennt. De Lupow dörbrickt disse Nehrung un münnt bi dat Dörp Roow.

Beken, de de Lupow tofleten doot, sünd Bukowina (28,6 km lang), Mydlity (7,3 km), Rokitnica (11,1 km), Rębowa (7,1 km), Darżyńska Struga (14,3 km) un Charstnica (12,0 km).

De Lupow is as Natura-2000-Rebeet utwiest.