Luikenappel
De Luikenapfel ok Ludwigsappel oder blots Luiken, is en Sort vun den Huusappel, de eerstmals 1831 beschreeven wurrn is. Disse Regionalsort weer noch um 1900 de in de Streeaaftwiesen vun Baden-Württemberg an’n meesten vörkommen Sort, hüüd is he aber blots noch af un to uptofinnen. De Luiken hörrt to de Familie vun de Strieplinge un is mit sien angenehm söötwienigen Smack sowohl as Tafelaaft as ok för de Most- un Saftbereitung to bruuken. Vun den Landesverband für Obstbau, Garten und Landschaft Baden-Württemberg wurr de Luikenapfel 2004 to de Streeaaftsort vun dat Johr nömmt, um up den Rückgang vun disse Kulturplant upmarksom to maaken.
De Bööm sünd starkwassend un könnt düchtig olt wurrn. De Boomkroon is flachkugelig un wegen hör schlank Trieven stark hangend. De Erdrag sett eerst laat in un is denn ok nich regelmatig aber hooch.
De Früchte sünd wittlich gröön bit wittlich geel un hemm dunkelroot Striepen. Se riepen bit Enn’n September un könnt sück bit November hollen.
Dörnanner brocht wurrd he af un to mit den eerst later upkommen Gewürzluiken.
Literatur[ännern | Bornkood ännern]
- Walter Hartmann: Farbatlas Alte Obstsorten. Ulmer, Stuttgart 2000, ISBN 3-8001-3173-0.
Weblinks[ännern | Bornkood ännern]
- Karteikoort vun de Sort in de BUND-Lemgo Aaftsortendatenbank