Ludwig Wieder

Vun Wikipedia

Ludwig Wieder (* 22. März 1900 in Nürnbarg; † 2. Dezember 1977 in Nürnbarg) weer en düütsch Footballspeler.

Loopbahn[ännern | Bornkood ännern]

In' Vereen[ännern | Bornkood ännern]

De Karriere vun den Störmer Ludwig Wieder fung bi den TV Schweinau, bevör he 1922 to'n 1. FC Nürnbarg wessel.

Mit dissen Vereen kunn he de gröttste Erfolge fiern. Nahdem he 1923 sogor noch vörövergahnd ut de eerste Mannschap utsorteert wurrn weer, hett he sück as Nahfolger vun Willy Böß in't Stormzentrum fastsett. 1924 wunn he mit den Club sien eerst düütsch Meesterschap dör en 2:0 gegen den Hamborger SV. Een Johr later gelung de Titelverteedigung gegen den FSV Frankfurt mit 1:0 in de Verlängerung, wobi he dat Siegdoor schaaten hett. Den letzten Titelgewinn kunn he 1927 verteeken, as Hertha BSC mit 2:0 in't Endspeel besiegt wurr. Af Mai 1926 hett he för eenig Tiet de Positschoon mit den stark övergewichtigen Hans Kalb tuuscht un speel ok as Mittellöper. Dat weer up Düer aber ok nichts, wiel Wieder dordör in'n Angreep vun den Club fehlen dee. Bit 1931 hett he all tosommen 437 Spelen för de Nürnbarger bestreeden.

To'n Oktober 1931 truck de lernt Elektromechaniker nah Duisburg un övernehm dor dat Training vun den Postsportvereen Duisburg, för de he aber ok noch as Speler aktiv weer. Nah den Tweeten Weltkrieg hett he in de DDR as Sportlehrer arbeit un weer ok as Trainer aktiv, so bi Turbine Erfurt un Rotation Babelsberg.

Natschonalmannschap[ännern | Bornkood ännern]

Herutragend Leistungen in en vun de führend Vereens vun de Tiet hebbt dat mit sück brocht, dat ok Ludwig Wieder Natschonalspeler wurr. Van 1923 bit 1926 keem he to söss Lännerspelen, in de he twee Doren schaaten hett.

To mehr Insatzen keem he aber nicht, villicht ok dorüm, wiel he as ehrder „ruhig Vertreder“ gull un mit sien bedächtig Oord un Wies ok bi dat Nürnbarger Publikum nich allto good ankeem.

Weblenken un Borns[ännern | Bornkood ännern]