Ludwig Hamann

Vun Wikipedia
Zur Navigation springen Zur Suche springen

Ludwig Friedrich Hamann (* 12. Februar 1892 in Koblenz; † 17. Januar 1961 in Nörden) weer en düütschen Verwaltungsbeamten.

Hamann is 1892 in Koblenz as Söhn von Pauline, borene Marsula, un Friedrich Hamann boren. He hett Juristeree studeert. An’n 18. Juli 1925 hett he de Grote Staatsprüfung maakt un is 1925 Regerungsassesser bi dat Landraadsamt von’n Landkreis Ahrweiler worrn. 1927 is he an de Regerung in Ossenbrügge versett worrn. An’n 17. Juni 1929 is he Regerungsraad worrn.

He is 1930 as Nafolger von Karl von Hammerstein-Gesmold Landraad von’n Kreis Zeven worrn un dat bet 1932 bleven. An′n 1. Oktober 1932 is de Kreis Zeven oplööst un mit den Kreis Bremervöör to’n ne’en Kreis Bremervöör tohoopleggt worrn. Hamann is denn as Nafolger von Walter Kolb kommissarsch Landraad in’n Kreis Schmalkalden worrn un 1933 richtigen Landraad. In’n Juni 1934 is he in einstweiligen Rohstand versett worrn un güng denn in’n Juli na de Regerung in Marienwerder. He is an’n 1. Mai 1933 in de NSDAP ringahn. 1939 is he Böverregerungsraad worrn un 1940 Regerungsdirekter.

Na’n Tweten Weltkrieg weer he von 1952 bet 1956 Regerungspräsident von’n Regerungsbezirk Oostfreesland.

1956 hett he von de Oostfreeske Landskupp dat Indigenat tokennt kregen.

He hett Wilhelmine Weirich (1894-1973) freet. He is 1961 doodbleven un liggt op’n Karkhoff in Auerk begraven.