Louise Brough

Vun Wikipedia
Louise Brough (1948)

Althea Louise Brough Clapp (* 11. März 1923 in Oklahoma City, Oklahoma; † 3. Februar 2014 in Vista, Kalifornien[1]) weer en US-amerikaansch Tennisspelerin.

Biographie[ännern | Bornkood ännern]

Se is in Kalifornien upwussen, kreeg hör eerst Trainerstünns mit 13 Johren un mit 17 Johren hett se de amerikaansch Jöögdmeesterschapen wunnen.

Brough wunn de amerikaansch Tennismeesterschapen (hüüd US Open) in Forest Hills eenmal (1947) un stunn fievmal in't Endspeel. In Wimbledon wunn se veermal dat Eenzel (1948,1949,1950 un 1955) un stunn söbenmal in't Finale. 1950 wunn se buterdem noch de Australian Open gegen Doris Jane Hart in dree Satzen.

Mit hör Düppelpartnerin Margaret Osborne duPont wunn se van 1942 bit 1950 un van 1955 bit 1957 de Düppelkonkurrenz bi de Fruen bi de US Open, in Wimbledon 1946, 1948, 1949, 1950 un 1954 un de franzöösch Meesterschapen in't Düppel 1946, 1947 un 1949.

Ok in' Mixed weer se mit verscheeden Partnern bi Grand-Slam-Turnieren bannig spoodriek (ünner annern mit Eric Sturgess) un wunn tallriek Titel. 1967 wurr se in de International Tennis Hall of Fame upnommen.

1958 hett se hör Loopbahn afslooten.

Enkeld Nahwiesen[ännern | Bornkood ännern]

  1. Tennis Hall of Famer Louise Brough Clapp Dies at 90

Weblenken[ännern | Bornkood ännern]