Louis Lachenal

Louis Lachenal (* 17. Juli 1921 in Annecy; † 25. November 1955 in’ Vallée Blanche bi Chamonix) weer en franzöösch Bargstieger.

Louis Lachenal hörr 1950 de spoodriek franzöösch Annapurna-Expedition an, an de ok Maurice Herzog, Gaston Rébuffat, Lionel Terray, Marcel Ichac, Jean Couzy, Marcel Schatz un Jacques Oudot bedeeligt weern. He un Maurice Herzog weern an' 3. Juni 1950 de eerst Minschen, de up den Tipp vun en 8.000er Barg stunnen. He hett dorbi aber swoor Fröst an de Fööt kreegen, so dat hüm all Taanen un Deelen vun den Vörderfoot amputeert weern. Sien 1956 posthum verapenlicht Daagbookupteknungen to de Expedition, Les Carnets du Vertige, wurrn 1996 in vullstännig Form rutgeven.

Hüm gelung all 1946 gemeensam mit Lionel Terray de tweet Begehung vun de Eiger-Noordwand.

Enn’ November 1955 is Lachenal während de Affohrt dör dat Vallée Blanche bi Chamonix dör en Stöört in en 25 Meter deep Gletscherspalt to Dood kommen.

To Ehren vun sien tallriek Eerstbegehungen in dat Mont-Blanc-Massiv wurr en 3613 m hooch Gratutlööper vun de Mont Blanc du Tacul nah Louis Lachenal nömmt. Up den Pointe Lachenal führen hüüd över teihn Klauterrouten.

Literatur

• Maurice Herzog: Annapurna - Erster Achttausender. Ullstein, Wien 1955 - de franzöösisch Originalutgaav kemm 1951 herut
• Les Carnets du Vertige, Louis Lachenal, Guérin Verlag, Chamonix 1996, ISBN 2-911755-01-4

Weblenken

• Lachenal in de Katalog vun de Deutsche Nationalbibliothek
• Personennaamdatei