Linus (Bischop vun Rom)

Linus (* in Etrurien; † 79, vermootlich in Rom) weer wohrschienlich van 67 bit 79 Bischop vun Rom. In fröhchristlich Listen wurrd Linus a eerst Bischof vun Rom nöömt, eerst af dat laat 2. oder fröhr 3. Johrhunnert hett sück de Upfaaten dörsett, Petrus as eersten Bischop to beteken un Linus as tweeten. Linus wurrd in de röömsch-kathoolsch Kirche as Merteler un Hilliger verehrt.

Leven[ännern | Bornkood ännern]

Traditschonelle Dorstellungen[ännern | Bornkood ännern]

Nah den Liber Pontificalis wurr Linus in Volterra in de hüüdig Toskana boren, he nöömt as Moder vun Linus Claudia, as Vader Herculeanus.^[1] Linus sall vun Petrus to’n Bischop weeht wurrn ween. Tovör sall he bi hüm Vikar ween hemm. De Angaven to de Bischopstiet vun Linus gaht wiet utnanner. De meest Borns laaten de 67 anfangen. De kathoolsch Enzyklopädie nöömt den Anfang up dat Doodsjohr vun Petrus, dat aber nich seker angeven wurrn kann. De Liber Pontificalis seggt 56, de Liberiaansch Katalog seggt 55, Eusebius von Caesarea 69. De Diskrepanz vun de Daten wurr vun Rufinus dormit verklort, dat Linus all to Leevtieden vun den Apostel as de sien Vikar deent harr un eenig Borns sück up disse Tiet betrucken hemm.^[1]

Linus weer nah de Överleefern 11 bit 15 Johr lang röömsch Bischop, de Liberiaansch Katalog seggt 12 Johr, veer Maand un 12 Daag. De meest Borns geven dat Johr 97 as dat Johr vun sien Dood an, eenige dat Johr 76, de Liber Pontificalis 67; Eusebius seggt dat Johr 81. De meest Borns seggen ok Linus harr dat Martyrium leeden. De meest Historiker glöven aber nich doran, wiel to de Tiet vun sien Dood kien Christenverfolgung in Rom nömmt wurr. Tertullian nömmt Clemens von Rom as Nahfolger vun den Apostel Petrus, aber all antiken Borns sück sück dorin eenig, dat Linus de direkte Nahfolger vun Petrus ween is, ok wenn de Daten all wat dörnanner sünd.^[1]

Moderne Sicht[ännern | Bornkood ännern]

Nah den Historiker Volker Reinhardt hett Irenäus „dör de Rücköverdragen vun de Gegenwart in en annersaardige Vergangenheit för de Bischööp vun Rom en lückenloos «Ahnenreeg» upstellt […]“. Reinhardt stellt in Afrede, dat den in den Bischopslisten enthollen Naams – dormit ok Linus – sekere Daten oder Taten toordnet wurrn können.^[2]

Verehrung[ännern | Bornkood ännern]

Sien Gedenkdag is de 23. September, nah den Liber Pontificalis de Dag vun sien Martyrium. De Karkenvader Irenäus hett hüm mit jenem Linus, de in‘n 2. Breef an Timotheus Vörlaag:BB al Begleiter vun den Paulus nöömt wurrd, identifizeert. Nah den Liber Pontificalis wurr Linus in‘n Vatikan begraven. Linus tellt to de Kanonhilligen un wurrd glieks nah de Aposteln nöömt.

Literatur[ännern | Bornkood ännern]

Volker Reinhardt: Pontifex. Die Geschichte der Päpste. 2. Auflage. C.H. Beck, München 2018, ISBN 978-3-406-70381-2.
Mario Ziegler: Successio. Die Vorsteher der stadtrömischen Christengemeinde in den ersten beiden Jahrhunderten. Habelt, Bonn 2007, ISBN 978-3-7749-3496-2. (Rezension)
Indrag to de Person in dat Biograafsch-Bibliograafsch Karkenlexikon (hoochdüütsch)