Limenitis lorquini
| Limenitis lorquini | |
 | |
| Systematik | |
| Klass | Insekten (Insecta) |
| Ornen | Bottervagels (Lepidoptera) |
| Familie | Eddelfalters (Nymphalidae) |
| Ünnerfamilie | Iesvagels (Bottervagels) (Nymphalinae) |
| Geslecht | Limenitis |
| Oort | Limenitis lorquini |
| Wetenschopplich Naam | |
| Limenitis lorquini | |
| (Boisduval, 1852) | |
Limenitis lorquini is en Bottervagel (Dagfalter) ut de Familie de Eddelfalter (Nymphalidae). Dat Oort-Epitheton ehrt den franzööschen Entomoloog Pierre Joseph Michel Lorquin.[1]
Markmalen
[ännern | Bornkood ännern]Falter
[ännern | Bornkood ännern]De Falter recken en Flögelspannwiet vun 51 bit 67 Millimeter.[2] De Grundfarv vun de Flögelböversiet vun all Flögels is swaart un vun en breet witt Querband dörtrucken, dat blots dör swaart Adern ünnerbraaken is. En witt Diskalfleck is swaaker utbildt. Oorttypisch is en länglich orangebruun Fleck dicht an den Apex vun de Vörderflögl. De Flögelünnersiet wiest en rootbruun Grundfarv mit ähnlich witt Tekenelementen as de Böversiet.
Ei
[ännern | Bornkood ännern]De Eier sünd blass gröön farvt, schimmern licht sülvern un wurrn eenzeln an de Ünnersiet vun de Nehrensplant afleggt.[3]
Ruup
[ännern | Bornkood ännern]Utwussen Rupen hemm en afwesseln bruunelk un wittelk Farv. De Kopp is bruun un drocht twee lütt, dunkel, zackte Höörns. In de Midden vun den Abdomen befind sück en saddelförmig Utbuchten. In dat Gesamtutsehn stellen se en Vagelschiet-Mimese dor.[4]
Pupp
[ännern | Bornkood ännern]De saddelförmig Utbuchten vun de Ruup is bi de Pupp düchtig düütlich höckeroordig utbildt. De Grundfarv is wittgrau. Flögelscheeden un Höcker sünd dunkler graubruun.[5]
Verbreeden un Levensruum
[ännern | Bornkood ännern]Limenitis lorquini kummt in de westlich Bundsstaaten vun USA as ok den westlichen Provinzen vun Kanada vör[6] un besiedelt hööftsächlich Barg- und Stroomdaalen, Lichtungen, Waldränder as ok Aaftgoordens.[3]
Levenswies
[ännern | Bornkood ännern]De Oort bild in de nördlich Regionen en Generatschoon in een Johr, deren Falter vun Juni bit August fleegen. In Kalifornien wurrn mehrere Generatschonen bild, de vun April bit Oktober fleegen.[3] De Falter suugen to de Upnahm vun Nehren an Blööten, af un an ok an Exkrementen. De Ruupen nehren sück vun de Blööt vun verscheeden Planten, dorto tellen Prunus-, Wilgen- (Salix), un Pappeloorten (Populus). De jewiels letzte Generatschoon överwintert half utwussen in en Hibernarium.[3]
Belege
[ännern | Bornkood ännern]Eenkeld Nahwiesen
[ännern | Bornkood ännern]- ↑ www.lensjoy.com
- ↑ www.butterfliesandmoths.org
- ↑ a b c d James A. Scott: The Butterflies of North America., S. 262-263, Stanford University Press, Stanford, Kalifornien 1986, ISBN 0-8047-1205-0
- ↑ Raupe
- ↑ Puppe
- ↑ www.nic.funet.fi
Literatur
[ännern | Bornkood ännern]- James A. Scott: The Butterflies of North America. Stanford University Press, Stanford, Kalifornien 1986, ISBN 0-8047-1205-0
Weblenken
[ännern | Bornkood ännern]
Limenitis lorquini. Mehr Biller, Videos oder Audiodateien to’t Thema gifft dat bi Wikimedia Commons.