Lied der Partei

Vun Wikipedia
Zur Navigation springen Zur Suche springen

Dat Lied der Partei („de Partei ehr Leed“) , ok bekannt as Die Partei hat immer recht, is vun de Staatspartei vun de DDR, de SED, as Hymne bruukt wurrn. Bekannt wurrn is sunnerlich de Vers Die Partei, die Partei, die hat immer recht, vunwegen dat een dat goot in Kopp behollen kann.

Text un Musik sünd 1949 vun Louis Fürnberg (1909-1957) maakt wurrn. 1950 is dat Leed to’n eersten Mol upföhrt wurrn. Fürnberg weer en Düütschen ut Böhmen, de as overtüügten Kommunisten 1928 in de Kommunistische Partei vun de Tschechoslowakei intreden weer. He hett dat Leed maakt, as he 1949 to’n eersten Mol nich inlaadt wurrn weer to’n Parteidag vun de Kommunistische Partei vun de Tschechoslowakei. Dat hett em en Slag geven. Siene Fro Lotte Fürnberg hett 2001 ütert, he harr dat Leed man schreven, um sik sülms wedder to de Ordnung to ropen:

He schreev dat, um den Slag, den he kregen harr, vor sik sülms to rechtfardigen.[1]

In dat Leed kummt de Parteikult to’n Utdruck, de as typisch for den Leninismus ankeken warrt. Dor warrt de kommunistische Partei to’n „Vörtrupp vun de Arbeiderklass“ in verklaart un to de „Avantgarde vun dat Proletariat[2][3]

Wenn dor sungen warrt

So, aus Leninschem Geist, wächst, von Stalin geschweißt, die Partei

denn is dat en düütlichen Utdruck vun den Stalinismus un sien Personenkult, de bit in de Midden vun de 1950er Johre to de DDR ehre Staatsideologie tohöörn dö. As dat na den XX. Parteidag vun de KPvdSU 1956 dor um gung, allens, wat Stalin anstellt un upbrocht harr, wedder um to smieten un to vergeten, dor is düsse Passus ännert wurrn in:

So aus Leninschem Geist wächst zusammengeschweißt, die Partei

Literatur[ännern | Bornkood ännern]

Weblenken[ännern | Bornkood ännern]

Belege[ännern | Bornkood ännern]

  1. Es ist so viel Blut umsonst geflossen, Erinnerungen der Witwe Lotte Fürnberg, Berliner Zeitung, 26. Januar 2001, S. 11
  2. Eine ideologiekritische Analyse des Louis Fürnbergschen „Liedes von der Partei“, Joachim Kahl, „Aufklärung und Kritik Sonderheft 10/2005“
  3. Das Charisma des Kommunismus. (PDF; 155 kB), Martin Sabrow, Konferenz „Charisma und Herrschaft. Zum Wandel des Politischen im 20. Jahrhundert“, 6. Mai 2006