Liberius

Vun Wikipedia

Liberius (latiensch.: de Free; * in Rom; † 24. September 366) weer Bischop vun Rom (Paapst) van 17. Mai 352 bit 24. September 366.

Sien Pontifikat weer vun den ariaanschen Striet präägt. He hett oorsprünglich de Positschoon vun Athanasius tegen den Arianismus vertreden. Nahdem he dissen Standpunkt trotz Drohung nich upgeven dee, hett hüm de arianerfründlich Constantius II., alleenig Kaiser siet 353, in dat Johr 355 nah Thrakien verbannt un hett Felix II. to’n Gegenpaapst makt. In de Verbannung hett Liberius denn aber bigeven un hett toletzt sogor noch Athanasius veroordeelt, worup he 358 weer nah Rom torüchkehren kunn.

Sien Gedenkdaag sünd:

  • Kathoolsch: 23. September
  • Orthodox: 27. August
Vörgänger Amt Nafolger
Julius I. Paapst
352 - 366
Damasus I.

Weblenken[ännern | Bornkood ännern]

Liberius. Mehr Biller, Videos oder Audiodateien to’t Thema gifft dat bi Wikimedia Commons.