Leopold (Vörnaam)
Leopold is en Vörnaam for Jungs un Mannslüde.
Wo he herkamen un wat he bedüden deit
[ännern | Bornkood ännern]Leopold is en Form vun den Ooldsassischen Naam Liutbald. De sett sik tohopen ut de Naamsülven liut (dat heet Lüüd oder Volk) un bald (dat heet tapper, kühn). De tweete Sülv bald/bold finnt sik meist bloß bi Jungsnaams.
Bekannt wurrn is de Naam ok dör den Hilligen Leopold. He weer Markgreve vun Öösterriek un leev vun 1075 bit 1136. Hillig spraken wurrn is he avers eerst na 1663. Vun em hett ok de Leopoldsbarg in Wien sien Naam. Vunwegen düssen Hilligen gifft dat den Naam Leopold fökener in'n Süden vun Düütschland, as in'n Norden.