Leezdörp

Leezdörp is en Gemeend mit to Tiet etwa 2000 Inwahner in de Samtgemeend Brookmerland in' Landkreis Auerk in Oostfreesland.

Historie

Leezdörp hörrt to de jüngste Gemeenden vun dat Brookmerlandes. Eerst 1765, nahdem dat „Oorbormakensgesett“ en intensive Besiedlung mögelk maaken dee, trucken de eersten Moorkolonisten in den nee entstahn Oort.

1869 wurr Leezdörp denn sülvstännig, indem dat up Andrag vun Osteel aftwiegt wurr un de Gemeendraat sien Tostimmen geven harr. Ok de Böverpräsident vun de Provinz Hannober hett dit Verfohren genehmigt un Leezdörp wurr mit en Bekanntmaken in dat Amtsblatt an' 20. April 1869 to en „selbstständigen politischen Gemeinde“ verkloort.

In' Gegensatz to völ anner Dörper entstunn in Leezdörp en Streesiedlung, wat sück ok hüüd noch in de Siedlungsstruktur erkennen lett. Intüschen gifft dat aber ok en Oortskarn mit en grooten Marktplatz, um de herüm regelmatig Dörp- un Möhlenfeste stattfinnen (Leezdörper Möhlen).

Politik

Gemeendraat

De Raat vun de Gemeend Leezdörp besteiht ut 11 Ratsfruen un Ratsherren. Dat is de fastleggt Tall för de Liddmaatsgemeend vun en Samtgemeend mit en Inwahnertall vun 1.001 bit to 2.000 Inwahner. De elf Ratsliddmaaten wurrn dör en Kommunalwahl för jeweils fiev Johr wählt. De aktuelle Amtstiet fung an' 1. November 2011 an.

De letzt Kommunalwahl van' 11. September 2011 broch dat folgen Ergevnis:

Partei	Andeelig Stimmen	Antall vun de Sitten	Verännern vun de Stimmen	Verännern vun de Sitten
SPD	61,94 %	7	-3,35 %	0
CDU	28,72 %	3	-5,98 %	-1
Brookmer Wählergemeinschaft (BWG)	9,33 %	1	+9,33 %	+1

De Wahlbedeeligen bi de Kommunalwahl 2011 leeg mit 52,05 Perzent knapp ünner den Dörnitt in Neddersassen vun 52,5 Perzent.

Börgermeester

Börgermeester in Leezdörp is to Tiet Manfred Wirringa.

Weblenken

Leezdörp. Mehr Biller, Videos oder Audiodateien to’t Thema gifft dat bi Wikimedia Commons.

• Websteed vun de Samtgemeend Brookmerland