Learned Hand

Vun Wikipedia
Learned Hand 1893

Learned Hand (boren as Billings Learned Hand; * 27. Januar 1872 in Albany; † 18. August 1961 in New York) weer en US-amerikaanschen Richter.

Hand is 1872 in Albany as Söhn vun Samuel Hand un Lydia Hand (borene Learned) boren. Sien Vadder weer Afkaat. Hand weer twee Johr op en lüttjere Grundschool un keem denn mit söven op de Albany Academy. 1889 füng he an de Harvard-Universität dat Studeren an. Toeerst de klassischen Wetenschoppen un Mathematik, denn mehr op Philosophie un Weertschop. Na sien eersten Afsluss 1893 dee op op Recht studeren.

Vun 1898 af an dee he in Albany as Afkaat arbeiden un geev an de Rechtsschool vun Albany Ünnerricht. 1902 dee he Frances Fincke heiraden un güng na New York. 1909 dee em Präsident William Howard Taft as Richter an dat US-Bezirksgericht för den Süüdbezirk vun New York beropen. Wichtig weer hier vör allen sien Oordeel in’n Fall Masses Publishing Co. v. Patten 1917. 1924 dee em Präsident Calvin Coolidge an dat US-Beropungsgericht för den tweten Gerichtsbezirk beropen, bi den he bet 1951 Richter weer. Vun 1939 af an weer he as Nafolger vun Martin Manton ok Gerichtspräsident vun dit Gericht. Sien wichtigsten Fall weer hier United States v. Carroll Towing Co. 1947, bi den he dat dat wichtige Unachtsamkeitskalkül opstellt hett.