Laptewsee

Laag von de Laptewsee

De Laptewsee (russ’sch: море Лаптевых) is en Deelsee von de Nöördliche Iessee noorden von Sibirien in Russland. Nöömt is se na de russ’schen Forschers Chariton Prokofjewitsch Laptew un Dmitri Jakowlewitsch Laptew. De Laptewsee warrt in’n Westen dör de Taimyrhalvinsel un Noordland (twischen de de Wilkizkistraat liggt) von de Karasee afdeelt un in’n Oosten dör de Neesibirischen Eilannen von de Oostsibirische See.

In’n Noorden warrt allens bet op de Höögd von dat Arktische Kap bet Kap Anisi to de Laptewsee tellt. Dat bedüüdt en Grött von üm un bi 672.000 km². De deepste betherto funnen Steed in de See liggt bi 3.385 Meter ünner de See. De dörsniddliche Deepd is 578 m.

De wichtigsten Strööm, de in de Laptewsee münnt, sünd de Lena, de Chatanga, de Olenjok un de Jana.