De Laotsche Felsenrott (Laonastes aenigmamus, laotsch kha-nyou) is en so wat 40 Zentimeter lang Gnaagdeert, dat in Khammouan, ene Provinz vun Laos, leevt. Disse Oort hebbt Paulina D. Jenkins un annere an’n 18. April 2005 dat eerste Maal beschreven. Se hebbt de Oort as so verscheden vun alle bekannten Gnaagdeertoorden ansehn, dat se för de Felsenrott mit de Laonastidae en ne’e Familie opstellt hebbt. De Deerter seht mit ehren hoorigen dicken Steert ut as grote düüstere Rotten. Ehr Schädels ünnerscheedt sik vun de vun annere Söögdeerter.
P. D. Jenkins, C. W. Kilpatrick, M. F. Robinson, and R. J. Timmins. 2005. Morphological and molecular investigations of a new family, genus and species of rodent (Mammalia: Rodentia: Hystricognatha) from Lao PDR. Systematics and Biodiversity.
