Lühr Immen

Vun Wikipedia
Zur Navigation springen Zur Suche springen

Lühr Immen (* 2. Dezember 1805 in Langen; † 29. April 1880 ok dor) weer en düütschen Politiker.

Immen is 1805 as Söhn von en Buur in Langen boren. De Hoff von de Familie leeg an de Wuster Straat, wat nu de Imßener Straat 9 is. Dissen Hoff hett Immen denn later sülvs övernahmen. Immen weer Eedsworen in Langen un von 1853 bet 1870 Gemeenvörsteher. In disse Tied hett he sik ünner annern dor för insett, dat Langen sien eersten Karkhoff kregen hett un he hett de eerste Kröönk von’n Oort schreven. Ok för dat Wohren von Anlagen ut de Vörtied hett he sik insett.

Immen weer verheiraadt mit Anna Jürgens. De beiden harrn veer Kinner. Immen is 1880 bi en Unfall mit sien Peergespann bi de Arbeid op’t Feld doodbleven.

Na em is vondaag de Lühr-Immen-Weg nömmt, in den dat Gymnasium Langen liggt. En Gedenksteen för em steiht op’n Langener Karkhoff.