Kurt Sieth

Vun Wikipedia
Zur Navigation springen Zur Suche springen

Kurt Sieth (* 29. September 1917 in Berlin; † 26. März 1999 ok dor) weer en düütschen Maler un Grafiker.

Sieth is 1917 in Berlin boren. Na de Grundschool güng he na de Oberrealschool in Steglitz. 1936 hett he anfungen, an de Meesterschool för Grafik un Bookgewarv to studeren. An’n 1. April 1939 is he aver to’n Arbeidsdeenst un an’n 26. August denn to de Wehrmacht intagen worrn. He keem in’n Tweten Weltkrieg as Soldaat na Polen un 1940 na de Nedderlannen, Belgien un Noordfrankriek. An’n 2. Januar 1942 keem he na Brjansk in Russland. An’n 24. März 1942 is he an’n Kopp versehrt worrn un keem in’t Lazarett na Brest un Prag. 1943 is he denn as militäärschen Kartograaf utbillt worrn un keem 1944 för Utmeetarbeiden na Sandomierz. 1945 keem he in sowjetsche Kriegsfungenschop.

Na’n Krieg kunn he denn in sien Beroop as Maler un Grafiker arbeiden. He hett ünner annern veel Biller von dat Land un de Havens langs de Ünnerelv maalt.

1997 hett Sieth sien Wahnung in de Hubertusallee in Grunewald opgeven un is in en Olenhuus ümtagen. Dor is he 1999 doodbleven.