Kugelbaak

Vun Wikipedia
Kugelbaak
Ole un ne’e Kugelbaak 1867 blangenenanner
Steed von de Kugelbaak ut de Luft keken

De Kugelbaak is en 30 m hoog Seeteken ut Holt, steiht in Döös un is dat Wohrteken von Cuxhoben.

De Baak liggt an dat büterste Enn von dat Elv-Werser-Dreeeck un ganz in’n Noorden von Neddersassen. De Baak an de Noordsee kenntekent de Münn von de Elv, de hier 18 km breed is.

Geschicht[ännern | Bornkood ännern]

De Baak is wohrschienlich 1703 von’n Lootseninspekter Paul Allers opstellt worrn, nadem en Stormflood de Boomgrupp wegspöölt harr, de hier vördem stahn harr un as Peilpunkt bruukt worrn is. Von 1853 af an hett in de Baak denn ok nachtens jümmer en Füür brennt. In’n Düütsch-Franzööschen Krieg 1870 un in’n Eersten Weltkrieg 1914 hebbt se de Baak afboot, dat de Feend sik dor nich an orienteren kunn. 1924 hebbt se ehr denn wedder neet opstellt.

Na 1878 weer de Kugelbaak bloots noch Reserve, denn in de Elvmünn leeg nu en Füürschipp. 1900 hett Jonathan Zenneck för en Tied en Küstenfunkstell in de Kugelbaak inricht.

2002 hett de Stadt Cuxhoben de Kugelbaak, de nu nich mehr as Seeteken bruukt warrt, övernahmen. De Baak is as Denkmaal schuult.

De Kugelbaak is ok in dat Wapen von Cuxhoben afbillt.

Weblenken[ännern | Bornkood ännern]

Kugelbaak. Mehr Biller, Videos oder Audiodateien to’t Thema gifft dat bi Wikimedia Commons.


Koordinaten:53° 54′ N, 8° 41′ O