Kriseninterventschoon
 |
Dat lett so, as wenn disse Artikel nich so akraat is as de ween schull. Kiek up Wikipedia:Pleeg, daar to diskuteren, wat verbetert oder ännert warrn mott. |
Kriseninterventschoon in'n Rettungsdeenst bedüd, dor schall gau Minschen hulpen warrn, de in jem ehr Umfeld in Notsituatschonen kamen sünd und dat jem dat in’ne Seel belast’.
De Rettungsdeenst kann Personen, de an’n Lief keen Schaden hebbt, ut Personalgrün’n nich sülvst versorgen. He fragt denn bi de Rettungsleitstä för dat Kriseninterventschoons-Team (KIT) an. De Afkörten KIT is een fasten Begreep in'n Rettungsdeenst un is bi't Patentamt indragen. Se ward ook as Afkörten för "Kriseninterventschoon in'n Rettungsdeenst" bruukt.
De Geschicht dorto
Kriseninterventschoon in’n Rettungsdeenst güng los 1994 in München – in’ne heel Welt as Erst. Infullen för dütt KIT in’n Rettungsdeenst is dat bi een Rettungsinsatz, wor een lütt Kind ünner de Straatenbahn kamen is un an Ort un Stä to Dod komen is.
Andreas Müller-Cyran, damaals Rettungsassistent in’n Rettungsdeenst un vundaag to’r Hauptsaak Mithölper för de Seelsorg in Füürwehr un Rettungsdeenst, hett dorbi mitkregen, dat de Öllern, de Tügen van düssen Unfall weern, vull weern van Twiefel, Verbitterung un sik för den Momang nich to hölpen wusst hebbt. Na dütt Belevnis, dat he mit veel Notdokters un Hölpers in’n Rettungsdeenst deelt, worr em klaar, dat direktemang organiseerte Hölp för bedraapen Minschen jüst so praat stahn mööt as de medizinisch-körperliche Hölp in’n Notfall.
Kriseninterventschoon in’n Rettungsdeenst is de eenmalige Hölp an Ort un Stä bi een Notfall. Een tweeten Termin is nich vörsehn. Se hölpt bloot eenmal in düsse Akutlaag - denn wiest dat KIT wieter to anner Bistand (Netzwerk).
In Dütschland gifft dat bit nu een grooten Ünnerscheed twüschen de rettungsdeenstliche Hölp för Verletzte un Kranke un de rettungsdeenstliche Hölp van Lüüd mit Schaad an’ne Seel.
Hier inspringen willt de Kriseninterventschoons-Teams dör dat Bistahn van bedrapen Minschen, wenn een Kind starvt(dat kümmt dorbi nich up dat Öller an), bi Hart-Lungen-Wedderbelevung or Dodesfall to Huus or in’n Bedrev, wenn een sik sülvst ümdat Leven bringen will, bi Mallöör, wor Minschen swoor to Schaden or Dood kamen sünd un bi Füür, wor Minschen swoor to Schaden or Dood kamen sünd.
Eer Bistand waard ook brukt, wenn’n Doodsnaricht överbrocht ward (Tosamenarbeit mit de Polizei), Bistand van Angehörige, wenn een Minsch vermisst ward or wenn Minschen ünner Gewaltdelikte to lieden hebbt (Banköverfälle un anners) awers ook Bistand van de Fohrer van'n Bus or Bahn, no een Schadensfall.
KIT is een rettungsdeenstliche Opgaav, is freewillig ohn Forderung na Betahlen un ward (noch) nich van de Krankenkass finanzeert. Dorvan sünd disse Lüe meest op freewillig Spender un Förderer (Fördermitglieder) anwiest. Se versökt, de Minschen rund üm de Klock un överall to’r Verfügung to stahn.
Wat is KIT nich?
KIT steiht Lüüd nich bi, de psycholgische Deenste bruukt, so as ton Bispill, wenn sik Lüüd dat Leven nehmen wüllt, bi Suchtproblems as ok psychologische Patienten. Se sünd keen therapeutische Aktschon, man een psychische Erst Hölp, wenn jüst wat mallöört is.
KIT hölpt nich de Hölpers – Dorför gifft meest een eegen Insatznasorg-Team (CISM) as „Hölp för Hölpers“.
KIT-Teams sünd nich de Notfallseelsorg, man een eenmalig Hölp, wenn’t jüst passeert is, man se arbeit meesttied eng tosamen. De Mitarbeiters van KIT sünd keen Psychotherapeuten. Psychotherapeuten sünd dor för een mittelfristige Hölp, or wenn’t länger duert, Bistand för Trorige or Minschen, de dat deep in’ne Seel drapen hett. Dorüm staht de Team in’ne Regel nich för Kontakte över de erste Krisenintervention hinut to’r Verfügung, man wiest up dorför tostännige Inrichtungen in’n psychosozialen Fack.